ᑕᕐᖁᑎ ᐱᒋᐊᕐᑎᓯᓯᕗᖅ ᓴᓇᔭᐅᓂᑦᓴᖓᓂᒃ ᑎᖏᕐᕋᐅᑕᐅᑉ ᐊᓄᕆᒥᒃ ᐃᑯᒪᓕᐅᕈᑎᖃᕐᓂᐅᑉ ᐱᓇᓱᐊᕐᑕᐅᒍᑎᒋᓂᐊᕐᑕᖓᓂᒃ ᖁᐊᕐᑕᒥ
ᓄᐃᑕᐅᑦᓴᐅᑎᒋᒋᐊᓕᒃ ᓄᓇᒥᒃ ᐃᓂᒋᔭᐅᓛᕐᑐᒥᒃ ᐳᐊᕐᕆᔭᕐᓂᖅ ᑲᑎᑎᑦᓯᕗᖅ ᓄᓇᓕᐅᑉ ᓯᕗᓕᕐᑎᖏᓐᓂᒃ, ᑐᖕᖓᕕᖃᖃᑎᒌᓂᒃ ᐱᓇᓱᐊᕐᑕᐅᔪᒥᓪᓗ ᐱᓇᓱᐊᖃᑎᒌᑦᑐᓂᒃ ᐱᒻᒪᕆᕋᑕᖅ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ ᐱᒋᐊᕐᑎᓯᓂᖅ ᓄᓇᕕᒻᒥ ᓴᓇᔭᐅᒋᐊᓚᖓᓯᑎᓪᓗᒍ. ᖁᐊᕐᑕᖅ, ᓄᓇᕕᒃ – ᔫᓂ 18, 2026 – ᑕᒡᒐᓂ ᐱᓇᓱᐊᕈᓯᕐᒥ ᑕᕐᖁᑎ ᐱᒋᐊᕐᑎᓯᓯᕗᖅ ᓴᓇᔭᐅᓂᕆᓂᐊᓕᕐᑕᖓᓂ ᑎᖏᕐᕋᐅᑕᐅᑉ ᐊᓄᕆᒥᒃ ᐃᑯᒪᓕᐅᕈᑎᖃᕐᓂᐅᑉ ᐱᓇᓱᐊᕐᑕᐅᒍᑎᒋᓂᐊᕐᑕᖓᓂᒃ ᓄᓇᒥᒃ ᐃᓂᑦᓴᕆᓂᐊᕐᑕᖓᓂᒃ ᐳᐊᕆᔭᕐᓂᖃᕐᑎᓯᓗᓂ ᖁᐊᕐᑕᒥ, ᑲᑎᑎᑦᓯᓗᓂ ᓄᓇᓕᒻᒥ ᓯᕗᓕᕐᑎᓂᒃ, ᓄᓇᓕᒻᒥᓗ ᐱᓇᓱᐊᖃᑎᒌᑦᑐᓂᒃ ᑕᕐᑯᑎᒥᓗ ᑐᖕᖓᕕᖃᖃᑎᐅᔪᓂᒃ ᑭᒡᒐᑐᕐᑐᓂᒃ ᒪᑭᕝᕕᒥᒃ ᐃᓚᒌᓴᕐᒥᓗ. ᑖᓐᓇ ᑲᑎᓐᓂᖅ ᐃᓕᑕᕐᓯᒍᑎᐅᓚᐅᕐᑐᖅ ᐱᒋᐊᕐᑎᑕᐅᓂᖓᓂᒃ ᓴᓇᔭᐅᓂᕆᓂᐊᓕᕐᑕᖓᑕ ᑎᖏᕐᕋᐅᑕᐅᑉ ᐱᓇᓱᐊᕐᑕᐅᓂᖓᑕ, ᐱᒻᒪᕆᐊᓗᒃ ᐊᓪᓗᕆᐊᕐᓂᐅᓱᓂ […]
ᓄᓇᕕᒻᒥᐅᑦ ᓂᐅᕐᕈᑐᑦ ᑲᔅᐲᒧᑦ ᕿᒥᕐᕈᕆᐊᕐᑐᓱᑎᒃ ᐊᓄᕆᒧᑦ ᐃᑯᒪᓕᐅᕈᑎᑦᓴᔭᓂᒃ ᓯᕗᓂᕐᒥᓗ ᐃᑯᒪᖃᕈᑕᐅᒐᔭᕐᑐᓂᒃ ᓄᓇᕕᒻᒥ.
ᓯᑎᒻᐱᕆ ᐱᒋᐊᕐᖃᒥᐅᑎᓪᓗᒍ, ᐊᒥᓱᒐᓓᑦ ᐃᓄᐃᑦ ᐳᕕᕐᓂᑐᒥᐅᑦ ᖁᐊᕐᑕᒥᐅᓪᓗ ᑲᔅᐲᓕᐊᓚᐅᔪᑦ ᑕᑯᓂᐊᕐᓱᑎᒃ ᐊᓄᕆᒧᑦ ᐃᑯᒪᓕᐅᕈᑕᐅᔪᓂᒃ. ᑖᓐᓇ ᑐᖓᓕᕆᔭᐅᔪᖅ ᑕᕐᖁᑎᐅᑉ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᒥᒃ ᕿᒥᕐᕈᑎᑦᓯᓂᖓᓄᑦ, ᑕᒃᑯᒧᑦ ᖃᐅᔨᓇᓱᐊᕐᑎᓯᓂᖅ ᓄᓇᕕᒻᒥᐅᓂᒃ ᐱᓇᓱᒍᑕᐅᒍᓐᓇᓕᕐᑐᓂᒃ ᐃᓄᓐᓂᓗ ᐃᓂᓪᓚᑎᕆᓕᕐᑐᓂᒃ ᓯᕗᓂᕐᒥ ᐊᓯᕐᕿᖏᓐᓂᓴᒥᒃ ᐃᑯᒪᓕᐅᕈᑎᖃᕈᓐᓇᓂᕐᒥᒃ ᑯᐯᒻᒥ. ᑲᔅᐲᒧᑦ ᑎᑭᑐᑦ: ᓂᕆᑎᑕᐅᔪᑦ ᑲᔅᐲᓕᐊᕐᓂᖅ ᐱᒋᐊᕈᑎᖃᓚᐅᔪᖅ ᓂᕆᑎᑕᐅᓂᕐᒥᒃ, ᐃᓚᐅᔪᓕᒫᑦ ᑲᑎᖃᑎᒋᓚᐅᔪᑦ, ᓱᓇᓱᐊᕐᓂᐅᓂᐊᕐᑐᓂᓪᓗ ᐱᓇᓱᐊᕈᓯᕐᒥ ᑐᑭᓯᑎᑕᐅᑦᓱᑎᒃ, ᐅᖃᐅᓯᕆᔭᐅᔪᓂᓪᓗ ᑐᓵᕐᑎᑕᐅᑦᓱᑎᒃ. ᔮᓂ ᐅᕝᕙᐅᑦ, ᓲᓱᒋᔭᐅᓂᖃᑦᓯᐊᑐᖅ ᖁᐊᕐᑕᒥᐅᖅ ᐅᖃᐅᓯᖃᓚᐅᔪᖅ ᓲᖑᔪᒻᒪᕆᓐᓂᒃ ᐃᓄᐃᑦ ᖃᓄᐃᑦᑐᑰᕐᓯᒪᓂᖏᓐᓂᒃ ᖃᓄᕐᓗ ᓱᑲᑦᑐᒥᒃ ᐊᓯᑦᔨᓯᒪᓕᕐᓂᖓᓂᒃ ᓄᓇᕕᐅᑉ. ᐅᖃᐅᓯᖃᓚᐅᔪᖅ ᖃᓄᖅ ᐃᓄᐃᑦ ᐃᓅᓯᒪᓂᖓᓂᒃ […]
ᑕᕐᖁᑎ ᑐᖕᖓᓱᑦᑎᓯᕗᖅ ᐱᖓᓱᓂᒃ ᐱᓇᓱᑦᑎᑖᕐᖃᒥᕐᒥᓂᒃ
ᖁᕕᐊᓲᑎᖃᕐᐳᒍᑦ ᑐᖕᖓᓱᑦᑎᓯᒋᐊᖅ ᒫᓯᐅ ᐱᐊᕆᒥᒃ, ᑎᐊᕆ ᓕᔩᒥᒃ ᑳᓴᓐ ᑕᒍᕐᓇᒥᓪᓗ ᑕᕐᖁᑎᐅᑉ ᐱᓇᓱᑦᑎᖏᓐᓄᑦ ᐃᓚᐅᓂᐊᓕᕐᑎᓗᒋᑦ! ᐊᑐᓂ ᑖᒃᑯᐊ ᖃᐅᔨᒪᒍᓯᕆᔭᕐᒥᓄᑦ ᓱᖑᓰᒋᐊᓚᖓᕗᑦ ᑎᓕᔭᐅᒪᐅᑎᑦᑎᓂᒃ ᓱᑲᓯᐅᒥᑎᑦᓯᒐᓱᐊᕐᑎᓗᑕ ᓄᓇᓕᒻᒧᑦ ᓯᕗᓕᕐᑕᐅᔪᓂᒃ ᓴᓗᒪᔪᒃᑯᑦ ᐃᑯᒪᓕᐅᕋᓱᐊᕐᓂᐅᓱᑎᒃ ᓄᓇᕕᒻᒥ. ᒫᓯᐅ ᐱᐊᕆ ᑮᓇᐅᔭᓕᕆᓂᕐᒥᒃ ᐱᓇᓱᐊᕐᑐᖅ. ᐃᓕᑕᕆᔭᐅᒍᑎᖃᕐᓱᓂ ᑮᓇᐅᔭᓕᕆᔨᐅᓂᕐᒥᒃ ᐱᓇᓱᐊᕐᓯᒪᓕᕐᑐᖅ 20-ᑲᓵᓂᒃ ᐊᕐᕌᒍᓂᒃ ᑭᓇᐅᔦᑦ ᑐᓴᐅᒪᔭᐅᒍᑎᒋᒋᐊᓕᖏᓐᓂᒃ ᑖᒃᓯᓗ ᐸᕐᓇᑕᐅᒍᑎᒋᒋᐊᓕᖕᖏᓐᓂᒃ ᐱᓇᓱᐊᕐᐸᓱᓂ, ᒫᓯᐅ ᓲᖑᔪᒻᒪᕆᒻᒥᒃ ᐱᓇᓱᐊᓯᒪᓂᓕᒃ ᑕᒻᒪᓯᒪᔪᕐᓯᐅᑎᐅᓂᒃᑯᑦ ᐊᔪᖀᒋᐊᕐᑎᐅᓂᒃᑯᓗ ᐱᑦᔪᔨᓂᐅᔪᓂ. ᐃᓚᐅᓯᓂᖓ ᐃᑲᔪᕐᓯᓚᖓᔪᖅ ᑕᕐᖁᑎᐅᑉ ᐱᕈᕐᐸᓕᐊᓂᖓᓂᒃ ᑭᖕᖑᒪᑦᓯᓂᖓᓂᓪᓗ ᐱᓇᓱᐊᕐᕕᒥᑕ ᐃᓗᐊᒍᑦ ᐊᐅᓚᑦᓯᓂᓕᕆᔨᖃᕆᐊᖃᕐᓂᒥᒃ ᑐᓴᐅᒪᔭᐅᑎᑦᓯᒋᐊᖃᕐᓂᒥᓪᓗ. ᑎᐊᕆ ᓕᔩ ᐅᕙᑦᑎᓄ ᐃᓚᐅᓯᒻᒥᔪᖅ […]
ᓄᓇᕕᒻᒥ ᐱᓯᒪᔪᐃᑦ ᐃᑯᒪᓕᐅᕐᓂᒧᑦ ᐱᓇᓱᑦᑕᐅᔪᓂᑦ ᑕᑯᓂᐊᕐᓂᖁᑦ ᑲᔅᐱᓯ ᓄᓇᖓᓂ
ᑕᕐᖁᑎ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᕐᓂᒥᒃ ᕿᒥᕐᕈᓂᖅ ᓯᑦᑎᒻᐱᕆ 9ᒥᑦ 12ᒧᑦ, 2024ᒥ, ᑕᕐᖁᑎ ᐃᑯᒪᓕᐅᕐᓂᒧᑦ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᕐᓂᒧᑦ ᕿᒥᕐᕈᒋᐊᕐᑐᕆᐊᖕᖓᓂᕐᖁᑦ ᑲᔅᐱ ᓄᓇᖓᓄᑦ, ᑲᑎᑦᓱᑎᑦ 30 ᓄᓇᕕᒻᒥᐅᑦ 10ᓂᑦ ᓄᓇᕕᒻᒥ ᓄᓇᓕᖏᓐᓂᑦ ᐊᒻᒪᓗ ᑕᕐᖁᑎ ᐱᓇᓱᑦᑎᓕᒫᖏᓪᓗ ᐁᓐᓂᖁᑦ. ᑖᒃᑯᓇᓂ ᐅᓪᓗᓂ ᓯᑕᒪᓂᑦ ᐊᐅᓪᓚᓯᒪᓂᕕᓂᖏᑦ ᑐᑭᓯᒋᐊᖕᖓᒍᑎᑦᓴᓕᐅᕈᑎᐅᓐᓂᖁᑦ ᐃᓚᐅᔪᓂᑦ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᕐᓂᒧᑦ ᐱᑐᒍᑎᑎᓂᑦ ᕿᒥᕐᕈᓱᑎᓗ ᐊᑑᑎᔭᐅᑐᐃᓐᓇᕆᐊᓕᓐᓂᑦ ᓄᓇᕕᒻᒥ. ᑕᑯᓂᐊᕐᓂᖏᓐᓂᑦ ᐱᒋᐊᕐᓂᖁᑦ Nergica Research Centre, ᐃᓚᐅᔪᐃᑦ ᑕᑯᓐᓂᖁᑦ ᓯᕿᓂᕐᒧᑦ ᐃᑯᒪᓕᐅᕈᑎᓂᑦ, ᐊᓄᕆᒧᑦ ᑫᕕᑦᑐᓂᑦ, ᐱᑐᒍᑎᒧᕐᑐᓂᑦ ᖃᓄᐃᓗᕐᓂᖏᓐᓂᑦ. ᐊᒥᓱᐃᑦ ᐁᓯᒪᔪᐃᑦ ᐃᑦᔭᕋᑦᓯᐊᖑᓂᕃᓐᓂᖁᑦ ᐱᑐᒍᑎᓂᑦ, ᑕᑯᓐᓇᐅᔮᕐᑕᖏᓐᓂᑦ […]
ᐃᓕᑕᕆᔭᐅᔪᖅ 2024-ᒥ ᓄᓇᓕᒻᒥ ᐃᑯᒪᓕᐅᕐᓂᒥᒃ ᐱᒋᐊᕐᑎᓯᓯᒪᓂᕐᒧᑦ
ᔫᓂ 12, 2024-ᒥ, ᑕᕐᖁᑎ ᑐᓂᔭᐅᓚᐅᕐᖁᖅ ᓄᓇᓕᒻᒥ ᐃᑯᒪᓕᐅᕐᓂᒥᒃ ᐱᒋᐊᕐᑎᓯᓯᒪᓂᕐᒧᑦ ᐃᓕᑕᕆᔭᐅᒍᑎᒥᒃ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ ᐃᓕᑕᕐᓯᓂᖅ ᖁᕕᐊᓲᑕᐅᑎᓪᓗᒍ, ᑖᓐᓇ ᑲᔪᓯᑎᑕᐅᓚᐅᕐᑐᖅ NERGICA-ᑯᓐᓄᑦ ᐃᓚᒋᔭᐅᑦᓱᓂ ᑲᑎᒪᒍᑕᐅᓂᖓᓄᑦ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᐅᑉ ᑯᐯᒻᒥ. ᓄᓇᓕᒻᒥ ᐃᑯᒪᓕᐅᕐᓂᒥᒃ ᐱᒋᐊᕐᑎᓯᓯᒪᓂᕐᒧᑦ ᐅᐱᒍᓲᑎᒃ ᐃᓕᑕᕐᓯᒍᑕᐅᕗᖅ ᐃᑦᔭᕋᑦᓴᓯᐊᖑᔪᓂᒃ ᓄᓇᓕᒻᒥ ᐃᑯᒪᓕᐅᕐᓂᒥᒃ ᐱᒋᐊᕐᑎᓯᕙᑦᑐᓂᒃ ᑯᐯᓕᒫᒥ. ᑕᒡᒐᓂ ᑲᑎᓐᓂᐅᔪᒥ, ᐊᒥᓱᒐᓓᑦ ᑕᕐᖁᑎᒥᐅᑦ ᐁᓯᒪᓚᐅᕐᑐᑦ Carleton-sur-Mer-ᒥ ᐅᐱᒍᓲᑎᑖᕆᐊᕐᑐᓱᑎᒃ: ᑐᖕᖓᕕᖃᖃᑎᐅᔪᓂ ᑭᒡᒐᑐᕐᑎ ᒫᒃ ᐱᓕᐊ ᒣᑯ ᑲᒧᕋᓐᓗ, ᑕᕐᖁᑎᐅᑉ ᑲᒪᔨᒻᒪᕆᖓ ᔪᐃ ᓛᓐᔅ, ᓄᓇᓕᓐᓂᒃ ᐱᓇᓱᐊᖃᑎᖃᕐᓂᒧᑦ ᖀᓇᐅᔭᓕᐅᕋᓱᐊᕐᓂᒥᓪᓗ ᐱᕙᓪᓕᐊᑎᑦᓯᓂᕐᒧᑦ ᑲᒪᔨ ᐋᓐᑎ ᐲᕐᑎ, […]
$7.6 ᒥᓕᐊᑦ ᐅᖓᑖᓄᑦ ᑕᕐᖁᑎᒃ ᑮᓇᐅᔭᕐᑖᑎᑕᐅᔪᖅ ᓄᓇᕕᐅᑉ ᐃᑯᒪᓕᐅᕐᓂᑯᑦ ᐊᓯᑦᔨᑎᕆᕙᓪᓕᐊᓂᖓᓂᒃ ᓱᑲᓯᐅᒥᑎᑦᓯᒍᑎᑦᓴᓂᒃ
(ᑐᓴᕋᑦᓴᖅ ᓄᐃᑕᐃᔪᖅ) ᑯᐯᒃ, ᐁᕆᓕ 18, 2024 – ᐃᓚᒋᔭᐅᑎᓪᓗᒍ ᐸᕐᓇᕈᑎᓕᐊᖑᒪᔪᒧᑦ ᐊᕙᑎᑦᑎᓂᒃ ᓴᓗᒪᓂᕐᓴᐅᑎᑦᓯᓗᓂ ᑮᓇᐅᔭᓕᐅᕋᓱᐊᕐᓂᒧᑦ 2030, ᑯᐯᒃ ᑲᕙᒪᖓ ᑕᕐᖁᑎᒥᒃ ᑮᓇᐅᔭᑎᒍᑦ ᐃᑲᔪᕐᓯᒪᓂᖃᓯᕗᖅ $7,637,975-ᓂᒃ ᑲᔪᓯᒋᐊᓪᓚᕈᑎᒋᓂᐊᕐᑕᖏᓐᓂᒃ ᓴᐳᒻᒥᓂᒃᑯᑦ ᓄᓇᕕᐅᑉ ᓄᓇᓕᖏᓐᓂᒃ ᐃᑯᒪᓕᐅᕐᓂᑯᑦ ᐊᓯᑦᔨᑎᕆᕙᓪᓕᐊᑎᓪᓗᒋᑦ. Mr. Pierre Fitzgibbon, ᑐᕐᖃᑕᕐᕕᒋᔭᐅᔪᖅ ᑮᓇᐅᔭᓕᐅᕋᓱᐊᕐᓂᒧᑦ, ᓄᑖᓂᒃ ᓴᕐᕿᑎᕆᓂᕐᒧᑦ ᐃᑯᒪᓕᐅᕐᓂᒧᓪᓗ, ᑐᕐᖃᑕᕐᕕᐅᓱᓂᓗ ᓄᓇᖁᑎᒋᔭᐅᔪᓂ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᐊᒻᒪᓗ ᑐᕐᖃᑕᕐᕕᖓᓂ ᐃᓪᓗᔪᐊᖃᕐᕕᒪᕆᒻᒥᐅᑦ ᒪᓐᑐᕆᐊᓗ ᓄᓇᖁᑎᖓᓂ; Benoit Charette, ᑐᕐᖃᑕᕐᕕᒋᔭᐅᔪᖅ ᐊᕙᑎᓕᕆᓂᕐᒧᑦ, ᓯᓚᐅᓪᓗ ᐊᓯᑦᔨᐸᓪᓕᐊᓂᖓᓂᒃ ᓴᖕᖓᔨᐅᓂᕐᒧᑦ, ᐅᒪᔪᓕᕆᓂᕐᒧᑦ, ᒥᕐᖑᐃᓯᕐᕕᓕᕆᓂᕐᒧᑦ ᑐᕐᖃᑕᕐᕕᐅᓱᓂᓗ ᒪᓐᑐᕆᐊᑉ ᑕᕐᕋᓯᖓᓂ ᓄᓇᖁᑎᒋᔭᐅᔪᓄᑦ; […]
ᖃᐅᔨᔭᐅᑎᑦᓯᓂᖅ ᓄᑖᒥᒃ ᓄᓇᕕᒻᒥ ᓯᓚᐅᑉ ᐊᓯᑦᔨᐸᓕᐊᓂᖓᓅᓕᖓᔪᒥᒃ ᐃᓂᓪᓚᖓᐅᑎᐅᒍᓐᓇᕋᔭᕐᑐᒥᒃ ᐸᕐᓇᕈᑎᓕᐊᖑᔪᒥᒃ!
ᑕᕐᖁᑎ ᖁᕕᐊᓱᒻᒪᕆᑉᐳᖅ ᐅᐱᒍᓱᖃᑎᐅᒋᐊᖅ ᓴᕐᕿᑕᐅᓂᓪᓚᕆᖓᓂᒃ ᓄᑖᑉ ᓄᓇᕕᒻᒥ ᓯᓚᐅᑉ ᐊᓯᑦᔨᐸᓕᐊᓂᖓᓅᓕᖓᔫᑉ ᐃᓂᓪᓚᖓᐅᑎᐅᒍᓐᓇᕋᔭᕐᓱᓂ ᐸᕐᓇᕈᑎᓕᐊᖑᔪᒥᒃ! ᐆᒻᒪᑎᑦᑎᓂᑦ ᐱᔪᒥᒃ ᐱᔪᕆᐅᑎᖃᒻᒪᕆᑉᐳᒍᑦ ᒪᑭᕝᕕᒥᒃ ᑖᑦᓱᒥᖓ ᐊᑑᑎᓚᐅᕐᓯᒪᖕᖏᑐᒥᒃ ᐱᒍᓐᓇᓯᑎᑦᓯᓯᒪᒻᒪᑦ. ᑖᓐᓇ ᐸᕐᓇᕈᑎᓕᐊᖑᒪᔪᖅ ᓂᕆᐅᓐᓂᖃᑦᓯᐊᓂᕐᒧᑦ ᓇᐸᕈᑕᐅᕗᖅ, ᐱᒍᓐᓇᓯᑎᑦᓯᓚᖓᑦᓱᓂ ᓄᓇᕕᒻᒥᐅᓂᒃ ᖃᓄᐃᓘᕈᓐᓇᖁᓪᓗᒋᑦ ᐊᓯᑦᔨᐸᓪᓕᐊᖕᖏᓐᓇᑐᑎᒍᑦ ᐊᕙᑎᑦᑕ ᐱᐅᓯᕆᕙᓕᕐᑕᖏᓐᓂ ᐱᐅᓕᐊᑦᓯᐊᖏᓐᓇᓗᑎᒃ ᐊᑦᔨᐅᖏᑦᑐᒪᕆᐅᒍᑎᖏᓐᓂᒃ ᐃᓄᐃᑦ ᐃᓕᕐᕈᓯᖓᑕ ᐱᕐᖁᓯᖏᑦᑕᓗ ᐃᓅᓯᕐᒥᓂ. ᑖᓐᓇ ᐱᔭᕆᔭᐅᒍᓐᓇᓯᔪᖅ ᑎᑭᐅᑎᔭᐅᒍᓐᓇᓯᔪᖅ ᐱᓇᓱᐊᖃᑎᒌᒍᑎᒻᒪᕆᐅᓯᒪᔪᑦ ᑐᑭᓯᓴᕐᓂᐅᓯᒪᔪᓪᓗ ᐱᒋᐊᕐᑕᐅᓚᐅᕐᓯᒪᑎᓪᓗᒋᑦ 2020-ᒥ, ᓄᐃᑕᑎᑦᓯᒍᑎᐅᔪᖅ ᓴᐱᓕᓚᐅᕐᓯᒪᖏᓂᒃᑯᑦ ᐊᔪᐃᓐᓇᓂᖓᓂᒃ ᓄᓇᕕᐅᑉ ᓄᓇᓕᖏᑦᑕ ᑎᒥᖁᑎᖏᑦᑕᓗ ᐱᓇᓱᐊᕐᕕᖏᑦᑕ. ᑕᕐᖁᑎᒥ, ᐱᔪᕆᒻᒪᕆᐳᒍᑦ ᓂᑯᕐᕋᖃᑎᖃᕆᐊᒥᒃ ᓄᓇᕕᐅᑉ ᓄᓇᓕᖏᓐᓂᒃ ᑎᒥᖁᑎᖏᓐᓂᓗ ᐱᓇᓱᐊᕐᕕᓂᒃ ᓯᕗᒧᑦ […]
ᐃᓄᒃᑎᑐᑦ ᐅᖃᐅᓯᓕᕆᓂᕐᒧᑦ ᑲᑎᒪᓂᐊᕈᓯᖃᕈᑕᐅᓂᖓ ᐃᑯᒪᓕᐅᕈᓐᓇᓂᐅᑉ ᓄᑕᐅᓯᓕᑎᕈᓐᓇᑐᓂᒃ
ᓄᓇᕕᒻᒥᐅᑦ ᐃᓚᐅᑎᑕᐅᑦᓯᐊᓂᖓ ᐱᓇᓱᐊᕐᑕᐅᔪᓕᒫᓂ ᑐᖕᖓᕕᒋᔭᐅᓪᓚᕆᒃᑯᑦ ᑕᕐᖁᑎᐅᑉ ᐱᒻᒪᕆᐅᔪᕆᔭᖏᓐᓄᑦ. ᓄᐃᑦᓯᓚᕿᓕᓚᐅᔪᒋᕗᒍᑦ ᖃᓄᐃᓗᖃᑎᒋᓐᓂᐅᔪᒥᒃ ᐅᖃᐅᓰᑦ ᐱᓇᓱᐊᕐᑕᑎᓐᓄᑦ ᐃᓕᖓᔪᑦ ᐃᓄᒃᑎᑑᕐᑎᑕᐅᑦᓯᐊᖁᓪᓗᒋᑦ. ᔫᓂᐅᓚᐅᔪᒥ, ᓂᑯᓚ ᑐᑉᓚᓰ ᐊᕙᑕᒃᑯᓂᑦ, ᐁᑕ ᓵᓐᑕ ᐋᓚᓯ ᕿᑭᓗ ᐃᓚᖃᕐᓱᑎᒃ ᔮᓇᓯ ᑯᔩᒥᒃ ᐋᓐᑎ ᐲᕐᑎᒥᓪᓗ ᐅᖄᒍᑎᖃᓚᐅᔪᕗᑦ ᐊᑦᔨᒌᖕᖏᑐᓂᒃ ᑌᔭᐅᒍᓯᒋᒍᓐᓇᑕᖏᓐᓂᒃ ᐃᑯᒪᓕᐅᕐᓂᐅᑉ ᓄᑕᐅᓯᓕᑎᕈᓐᓇᑐᓂᒃ ᐱᑦᓴᔭᖕᖑᕈᓐᓇᑐᐃᓪᓗ, ᐅᑦᑑᑎᒋᓗᒋᑦ ᑭᑭᐊᑦᓴᔦᑦ, ᐅᕐᓱᐊᓗᑦᓴᔦᑦ ᐅᐊᕈᑎᑦᓴᔦᓪᓗ. “ᕿᑦᑌᖓᓇᕐᑐᒪᕆᐅᓚᐅᔪᖅ ᑲᑎᒪᓂᑦᑎᓂ ᓯᕗᒧᐊᑦᓯᐊᓱᓂ ᐱᓇᓱᐊᑦᓯᐊᓇᕐᓱᓂᓗ. ᐅᖃᐅᓰᑦ ᐃᓄᒃᑎᑑᕐᑎᑕᐅᒋᐊᓖᑦ ᐃᑐᑦᑎᑕᐅᖃᑦᑕᓱᑎᒃ ᑯᒣᕐᑕᑎᑐᑦ, ᑐᑭᒋᒍᓐᓇᑕᖓᓄᑦ ᓄᐃᑎᕐᑕᐅᓱᑎᒃ. ᐅᓪᓗᒥᐅᔪᖅ ᓄᑖᒻᒪᕆᐅᑦᓱᑎᒃ ᐱᐅᒃᑯᑎᐅᕙᓕᕐᑐᑦ ᐅᑦᑑᑎᒋᓗᒋᑦ ᓯᕿᓂᕐᒧᑦ ᐃᑯᒪᓕᐅᕈᑏᑦ ᐊᓄᕆᒧᓪᓗ ᑫᕙᑦᑑᐃᑦ ᓯᖁᑦᑎᑕᕐᑎᑐᑦ ᕿᒥᕐᕈᔭᐅᓂᖃᕐᓱᑎᒃ […]
ᓯᓪᓕᑎᒃ, ᖃᔪᓯᑦᓯᐊᓚᐅᔪᖅ ᑲᑎᒪᓂᒻᒪᕆᐅᑦᓱᓂ ᐱᑦᔪᑎᒋᑦᓱᒍ ᓄᓇᕕᐅᑉ ᐃᑯᒪᓕᐅᕈᑎᖃᕐᓂᖓ ᐊᓯᑦᔨᐸᓪᓕᐊᖁᓪᓗᒍ
ᐊᐅᒡᒎᓯᐅᓚᐅᕐᑐᒥ, ᑕᕐᖁᑎ ᐱᑐᕝᕕᑯᓪᓗ ᓄᓇᒥᒃ ᑎᒍᒥᐊᕐᑎᖓ ᑲᑎᒪᑎᑦᓯᓂᖃᓚᐅᔪᑦ ᐃᓄᒃᔪᐊᒥ ᓯᓪᓕᑎᒥᒃ ᑌᔭᐅᓂᓕᕐᒥᒃ, ᓯᕗᓪᓕᐸᐅᑦᓱᓂ ᓴᓗᒪᔪᒥᒃ ᐃᑯᒪᓕᐅᕈᑎᖃᕈᒪᓂᕐᒨᓕᖓᔪᖅ ᑲᔪᓯᓚᐅᔪᖅ. ᑕᓐᓇ ᑲᑎᒪᓂᖅ ᐱᒻᒪᕆᒻᒥᒃ ᓄᐃᑦᓯᒋᐊᖕᖓᓂᐅᓚᐅᔪᖅ ᐊᑕᐅᑦᓯᑰᕐᑐᒥᒃ ᐊᔪᐃᓐᓇᕈᑎᖃᕈᒪᓂᕐᒥᒃ ᓄᓇᕕᐅᑉ ᐃᑯᒪᓕᐅᕈᑎᖃᕐᓂᖓ ᐊᓯᑦᔨᐸᓕᐊᖁᓕᕐᓱᒍ. ᐱᖓᓱᓂᒃ ᐅᓪᓗᓂᒃ ᑲᑎᒪᒋᐊᕐᓯᒪᓚᐅᔪᑦ 70 ᓄᓇᕕᒻᒥᑦ ᑭᒡᒐᑐᕐᓱᑎᒃ ᓄᓇᓕᓐᓂᒃ, ᐃᓚᐅᒻᒥᑎᓗᒋᑦ 15 ᓴᓗᒪᔪᒥᒃ ᐃᑯᒪᓕᐅᕐᓂᒧᑦ ᖃᐅᔨᒪᔪᒻᒪᕇᑦ ᑲᕙᒣᓪᓗ ᑭᒡᒐᑐᕐᑎᖏᑦ. ᑲᑎᒪᔪᓂ ᐅᖄᔭᐅᓚᐅᔪᖅ ᖃᓄᐃᓕᖓᓕᕐᓂᖓ ᐃᓐᓇᕕᐅᑉ ᐱᓇᓱᐊᕐᑕᐅᓯᒪᓂᖓ, ᑲᑎᒪᓂᐊᕈᓯᖃᕐᑎᓯᑦᓱᑕᓗ ᓄᓇᓕᐅᑉ ᐃᓚᐅᒍᓐᓇᕆᐊᖃᕐᓂᖓᓅᓕᖓᔪᓂᒃ, ᐅᓂᒃᑲᑐᖃᖃᑦᑕᒥᑎᓪᓗᒍ ᓄᓇᕕᒃ ᖃᓄᐃᓕᖓᔪᒥᒃ ᐃᑯᒪᓕᐅᕈᑎᖃᕐᒪᖔᑦ, ᑕᑯᑦᓴᐅᑎᑕᐅᒻᒥᑎᓪᓗᒋᑦ ᓴᓗᒪᔪᒃᑯᑦ ᐃᑯᒪᓕᐅᕈᑎᐅᒍᓐᓇᑐᑦᓴᔦᑦ, ᓴᓗᒪᔪᒃᑯᓗ ᐃᑯᒪᓕᐅᕈᑏᑦ ᖃᓄᑎᒋᒃ ᓱᕐᕃᓯᒪᒻᒪᖔᑕ […]