ᑕᓯᐅᖃᑎᖃᕐᓂᖅ ᓄᓇᓕᐅᑉ ᐱᓇᓱᐊᕐᕕᖏᓐᓂᒃ
ᑕᕐᖁᑎ ᓄᐃᓯᒪᕗᖅ ᐱᓇᓱᐊᖃᑎᒌᓐᓂᖓᒍᑦ ᒪᑭᕝᕕᐅᑉ ᐃᓚᒌᓴᐅᓪᓗ. ᓯᕗᓂᖃᕐᑐᒍᑦ ᐊᐅᓚᑦ ᔮᓚᑎᑦᓯᒐᓱᐊᕐᓂᒥᒃ ᓄᓇᓖᑦ ᐱᒍᓐᓇᓯᒍᑎᑦᓴᖏᓐᓂᒃ ᓄᓇᕕᒻᒥ ᐃᑯᒪᓕᐅᕐᓂᖅ ᐊᓯᑦᔨᕙᓪᓕᐊᖁᓕᕐᓱᒍ, ᐃᓅᓯᕐᒧᐊᖓᔪᑦ ᑮᓇᐅᔭᑎᒍᓕᖓᔪᓪᓗ ᐱᑕᙯᓐᓇᑎᒐᓱᐊᕐᓗᒋᑦ ᐱᕙᓪᓕᕈᑎᑦᓴᖏᑦ ᓄᓇᕕᐅᑉ.
ᐊᑎᐅᑉ ᑐᑭᖓ
ᖃᓄᖅ ᑕᕐᖁᑎ ᑐᑭᖃᕐᐸ?
ᐃᓄᑦᑎᑐᕐᓱᓂ, ᑕᕐᖁᑎ ᖁᓪᓕᐅᑉ ᐃᑯᐊᓚᖓᓂᒃ ᐊᐅᓚᑦᓯᒍᑎᐅᕗᖅ, ᑑᒐᕕᓂᐅᒍᓐᓇᑐᖅ ᓇᑦᔪᕕᓂᐅᓗᓂᓗᓐᓃᑦ. ᖁᓪᓕᖅ ᐃᓕᕐᕈᓯᖓᓂᒃ ᐃᓄᐃᑦ ᓄᐃᑕᑎᑦᓯᒍᑎᓪᓚᕆᐅᕗᖅ ᐃᓅᒍᑕᐅᖃᑦᑕᓯᒪᒐᒥ. ᐅᓪᓗᒥᓕ ᑲᑎᒪᓂᒻᒪᕆᐅᔪᓂ ᐃᑭᑕᐅᕙᓕᕐᑐᖅ ᓄᐃᑕᑎᑦᓯᒍᑎᐅᑦᓱᓂ ᐊᑑᑎᕕᓂᕐᒥᓂᒃ.
ᑖᓐᓇ ᖁᓪᓕᒨᓕᖓᔪᒥᒃ ᐅᖃᐅᓯᕐᒥᒃ ᐊᑐᕐᓂᖅ ᓇᒻᒪᓈᑦᓯᐊᑐᖅ ᓄᐃᑕᑎᑦᓯᒍᑎᐅᑦᓱᓂ ᑕᕐᖁᑎᐅᑉ ᐱᓇᓱᐊᕐᓯᒪᓕᕐᑕᖏᓐᓂᒃ ᑌᒪᖕᖓᓂᑦ ᐱᓇᓱᐊᖃᑎᒌᑦᑑᓄᑦ ᓄᐃᑕᐅᓕᓚᐅᔪᑦᓱᓂ. ᖁᓪᓕᖅ ᓄᐃᑕᑎᑦᓯᔪᖅ ᓄᓇᓕᓐᓂᒃ, ᐃᑯᐊᓚᖓ ᓄᐃᑕᑎᑦᓯᔪᖅ ᐃᑯᒪᓕᐅᕐᓂᒥᒃ , ᑕᕐᖁᑎᓪᓗ ᓴᓇᕐᕈᑎᐅᑎᓪᓗᒍ ᐃᑯᐊᓚᒥᒃ ᖃᒥᑦᑎᓯᑦᑌᓕᒍᑎᐅᑦᓱᓂ.
ᑭᓇᒃᑰᕕᑖ?
ᓯᕗᓪᓕᐸᐅᕗᒍᑦ ᓄᓇᕕᒻᒥᐅᓄᓪᓗ ᓇᒻᒥᓂᕆᔭᑑᑦᓱᑕ ᐱᕙᓪᓕᐊᑎᑦᓯᔨᐅᑦᓱᑕ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᐅᑎᓕᐅᕐᓂᒥᒃ ᐊᐅᓚᑦᓯᓱᑕ.
ᓴᓇᕐᕈᑎᒋᔭᐅᕗᒍᑦ ᓄᓇᕕᐅᑉ ᓄᓇᓕᖏᓐᓄᑦ ᐱᕙᓪᓕᐊᑎᑦᓯᒐᓱᐊᕐᓱᑕ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᐅᑎᓕᐅᕐᓂᒥᒃ ᐱᓇᓱᐊᕐᓂᐅᔪᓂᒃ ᐅᕐᓱᐊᓗᑦᑐᑐᓂᒃ ᐊᑐᖕᖏᓂᕐᓴᐅᖁᓪᓗᒋᑦ.
ᑕᕐᖁᑎᐅᑉ ᓄᓇᓕᓐᓂᒃ ᐱᓇᓱᐊᖃᑎᖃᕐᓂᖓ ᑐᕌᕋᖃᕐᑐᖅ ᐱᒍᓐᓇᓯᑎᑦᓯᒐᓱᐊᕐᓂᒥᒃ ᓄᓇᓕᐅᑉ ᐱᓇᐅᓱᐊᕐᕕᖏᓐᓂᒃ, ᐃᓚᐅᑎᓪᓗᒋᑦ ᓄᓇᒥᒃ ᑎᒍᒥᐊᕐᑏᑦ ᑯᐊᐯᓪᓗ, ᐊᐅᓚᑦᔭᕆᐊᕈᓐᓇᖁᓪᓗᒋᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᑕ ᒥᑦᓵᓄᑦ, ᐃᓱᒪᒋᔭᖏᑦ, ᐅᓇᒻᒥᒋᔭᖏᑦ ᐊᓐᓂᓇᕐᑐᖁᑎᖏᓪᓗ ᐃᓚᐅᒍᓐᓇᑎᑕᐅᑦᓯᐊᖁᒧᑦ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒧᑦ ᐱᓇᓱᐊᕐᑕᐅᔪᓄᑦ.
ᐃᓚᒋᔭᐅᑦᓯᐊᒪᕆᑉᐳᒍᑦ ᐱᓇᓱᐊᖃᑎᐅᑦᓱᑕ ᑯᐯᒃ ᐃᑯᒪᐅᑎᓕᕆᔨᒃᑯᖏᓐᓄᑦ.
2022-ᖑᑎᓪᓗᒍ ᐊᑎᓕᐅᖃᑎᖃᓚᐅᔪᕗᒍᑦ ᑎᒥᖁᑎᒻᒪᕆᖓᓂᒃ ᑯᐯᒃ ᐃᑯᒪᐅᑎᓕᕆᔨᒃᑯᖏᓐᓂᒃ ᐱᓇᓱᐊᖃᑎᒋᓂᐊᓕᕐᓱᒋᑦ ᓯᕗᒧᐊᕐᑎᓯᒐᓱᐊᕐᓂᒥᒃ ᓄᓇᓕᓐᓄᑦ ᓇᒻᒥᓂᕆᔭᐅᔪᓂᒃ ᓯᕗᓕᕐᑕᐅᔪᓂᓪᓗ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᐅᑎᓕᐅᕐᓂᒧᑦ ᐱᓇᓱᐊᕐᑕᐅᔪᓂᒃ ᓄᓇᕕᒻᒥ. ᓯᕗᓂᖃᕐᐳᒍᑦ ᐊᓯᑖᕆᒍᒪᓂᕐᒥᒃ ᐃᑯᒪᐅᑎᓕᐅᕈᑎᐅᕙᑦᑐᓂᒃ ᐅᕐᓱᐊᓗᑦᑐᑐᑦ ᐊᐅᓚᔪᐃᑦ ᐊᑐᕐᓱᒋᑦ ᓄᓇᕕᒃ ᐱᑐᑦᓯᒪᖕᖏᓂᑯᖓᓄᑦ ᐃᑯᒪᐅᑎᓕᐅᕈᑎᓄᑦ.
ᓴᐳᑦᔨᓯᒪᔭᐅᑦᓯᐊᓯᒪᕗᒍᑦ ᑯᐯᒻᒧᑦ ᑲᓇᑕᒧᓪᓗ
ᐊᕐᕋᒎᕋᑕᕐᑐᓂ, ᐊᑕᐅᓯᖕᖑᑎᑦᓯᓯᒪᓕᕐᖁᒍᑦ ᐊᖏᔪᑲᓪᓚᓂᒃ ᑮᓇᐅᔭᕐᑕᓰᒍᑎᐅᔪᓂᒃ ᐱᓇᓱᐊᖃᑎᒌᓐᓂᐅᔪᓂᓪᓗ, ᐃᓚᖃᕐᑎᓗᒋᑦ $8 ᒥᓕᐊᓂᒃ ᐱᓯᒪᔪᓂᒃ ᑮᓇᐅᔭᓕᐅᕐᓂᒧᑦ ᓄᑖᓂᓪᓗ ᓄᐃᑎᕆᓂᕐᒧᑦ ᑐᕐᖃᑕᕐᕕᖓᓂᑦ ᐊᒻᒪᓗ ᐊᕙᑎᓕᕆᓂᕐᒧᑦ, ᓯᓚᐅᓪᓗ ᐊᓯᑦᔨᐸᓕᐊᓂᖓᓄᑦ.
ᑕᕐᕋᓕᔭᕋᖅ (ᐊᐅᓚᔫᖅ)
2018-ᖑᓕᕐᓂᒪᓂᑦ ᐊᐅᓚᑦᔭᕈᑎᐅᓯᒪᔪᑦ
ᐃᑯᒪᓕᐅᕐᓂᐅᑉ ᐊᓯᑦᔨᔭᐅᕙᓕᐊᓂᖓ ᐊᑑᑎᒋᐊᖃᓪᓚᕆᑉᐳᖅ ᓯᕗᓂᑦᓴᓯᐊᖑᓂᕐᓴᒥᒃ ᓄᐃᑦᓯᒍᑎᐅᖁᓪᓗᒍ ᓄᓇᕕᒻᒥ. ᐊᔪᐃᓐᓇᖁᒍᑦ ᐊᓐᓂᓇᕐᑐᓂᒃ ᓄᐃᑎᕆᒐᓱᐊᕆᐊᖅ ᑭᖑᕙᑦᓴᖏᑦ ᓄᓇᕕᐅᑉ ᐱᕙᓪᓕᖁᓪᓗᒋᑦ, ᓄᓇᓖᑦ ᓯᕗᓕᕐᑎᓗᒋᑦ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᓂᒃ ᓄᐃᑎᕆᓗᑎᒃ.
ᐱᓇᓱᐊᕐᑎᕗᑦ
ᐱᓇᓱᐊᖃᑎᒌᑦᑐᑦ
ᐱᓇᓱᐊᕐᑎᕗᑦ ᓄᓇᓕᒻᒥᐅᑦ ᕿᓚᓈᕐᓂᓖᑦ ᐃᓚᐅᒍᒪᓂᕐᒥᒃ ᐸᐅᕐᒥᒃ ᐳᔪᖃᖕᖏᓂᕐᓴᒥᒃ ᐃᑯᒪᓕᐅᕈᑎᖃᕈᒪᒧᑦ, ᐊᒻᒪᓗ ᐱᒍᓐᓇᐅᑎᓕᒻᒪᕆᓐᓂᒃ ᐊᕐᕌᒍᓂ ᐊᒥᓱᓂ ᐱᓇᓱᐊᕐᓯᒪᓕᕐᑐᓂᒃ. ᐊᑕᐅᑦᓯᑯᑦ ᐱᓇᓱᐊᖃᑎᒌᑦᓱᑕ, ᐊᔪᐃᓐᓇᐅᔨᕗᒍᑦ ᓄᐃᑦᓯᒍᒪᓂᕐᒥᒃ ᓄᑕᐅᓯᓕᑎᕈᓐᓇᑐᒥᒃ ᐃᑯᒪᓕᐅᕈᓯᕐᓂᒃ ᐃᑯᓪᓚᐅᒥᖁᔨᒧᑦ ᐳᔪᓗᑲᕐᓂᒃ ᓄᓇᕕᒻᒥ.
ᔪᐃ ᓛᓐᔅ
ᑲᒪᔨᒻᒪᕆ
ᒫᓯᐅ ᐱᐅᔨ
ᑮᓇᐅᔭᓕᕆᓂᕐᒥ ᕿᒥᕐᕈᔨ
ᑎᐅᔨ ᓕᔩ
ᐱᓇᓱᐊᕐᑕᐅᔪᓂᒃ ᑲᒪᔨ
ᔮᒃ ᐳᐃᓕ
ᐱᓇᓱᑦᑕᐅᔪᒃᐱᕙᓪᓕᐊᑎᑦᓯᓂᕐᒧᑦᑐᑭᒧᐊᑦᑎᓯᔨ
ᑳᓴᓐ ᑕᒍᕐᓈᖅ
ᑐᓴᐅᒪᖃᑎᒌᓐᓂᒥᒃ ᑐᑭᒧᐊᑦᑎᓯᔨ
ᐋᓐᑎ ᐲᕐᑎ
ᓄᓇᓕᓐᓂᒃ ᐱᓇᓱᐊᖃᑎᖃᕐᓂᒧᑦ ᑮᓇᐅᔭᓕᐅᕋᓱᐊᕐᓂᒥᓪᓗ ᑲᒪᔨ
ᔮᔅᑕᓐ ᐳᓘᑕ
ᐱᓇᓱᑦᑕᐅᔪᒃᐱᕙᓪᓕᐊᑎᑦᓯᓂᕐᒧᑦᑐᑭᒧᐊᑦᑎᓯᔨ
ᐸᓄᐊ ᒪᕐᑎᓄ
ᐱᓇᓱᐊᕐᑕᐅᒋᐊᓕᓐᓂᑲᒪᔨᒻᒪᕆ
Laina Grey
ᓄᓇᓕᑎᒍᑦ ᐃᓕᖓᔪᖅ ᐊᒻᒪᓗ ᐊᕙᑎᓕᕆᓂᕐᒥ ᐊᑕᐅᑦᓯᑰᕐᑎᓯᔨ
ᓄᓇᓕᓐᓂ ᐃᑯᒪᓕᐅᕐᓂᒧᑦ ᓴᐳᒻᒥᔩᑦ
ᑖᓂᐊᓕ ᐅᕝᕙᐅᑦ
ᖁᐊᕐᑕᖅ
ᔫᑏᓐ ᐳᑐᒍ
ᐳᕕᕐᓂᑐᖅ
ᔮᓂ ᓇᓴᒃ
ᑲᖏᕐᓱᒃ
Local Agents
Saima Mark
Kuujjuaq
Putulik Nulukie
Puvirnituq
Naalak Mifsud
Kangiqsujuaq
ᑲᑎᒪᔨᖁᑎᕗᑦ
Andy Moorhouse
Mark Blair
Jean-François Arteau
Kulu Tukalak
Michael Cameron
Maxime Ladouceur
Robert Sauvé
ᐱᒋᐊᕐᑎᐸᓪᓕᐊᓯᒪᔭᕗᑦ
ᑲᑦᓱᙰᑦᑑᒍᑎᖃᕋᑦᑕ ᐃᓱᒪᑦᑎᒍᑦ ᓄᓇᓕᓐᓂᒃ ᐱᒍᓐᓇᓯᑎᑦᓯᒍᒪᓂᕐᒥᒃ ᓇᒻᒥᓂᖃᓪᓚᕆᖁᑦᓱᒋᑦ ᓯᕗᒧᐊᕐᑎᓯᔨᐅᓗᑎᓪᓗ ᓯᕗᓂᕐᒥ ᐃᑯᒪᓕᐅᕐᓂᒥᒃ. ᐊᒥᓱᒐᓓᑦ ᐱᒋᐊᕐᑎᓯᒪᔭᕗᑦ ᐃᓚᐅᓚᕿᖁᔨᒧᑦ ᓄᓇᓕᓐᓂᒃ ᐃᑯᒪᓕᐅᕐᓂᐅᑉ ᐊᑦᓯᔨᕙᓪᐊᒋᐊᖃᕐᓂᖓᓅᓕᖓᔪᓂ ᐊᑦᔨᒌᖕᖏᑑᕗᑦ ᑐᖕᖓᕕᖃᕐᓱᑎᓪᓗ ᓄᓇᕕᐅᑉ ᖃᓄᐃᑦᑑᓂᖓᓄᑦ ᐊᑑᑎᔭᖏᓐᓄᓗ.
ᓄᓇᓕᒻᒥ ᐊᑐᐊᒐᓕᐊᖑᓯᒪᔪᖅ ᓴᓗᒪᓂᕐᓴᓂᒃ ᐱᓇᓱᐊᕈᑎᖃᕐᓂᖅ ᐱᓪᓗᒍ
ᓀᑦᑐᒐᓗᐊᖅ ᐊᑐᐊᒐᖅ ᓄᐃᑕᐅᒪᓕᕆᕗᖅ ᐃᕐᐸᑎᑕᐅᕙᑦᓱᓂᓗ ᐃᑲᔪᕐᑎᓗᒋᑦ ᓄᓇᓕᐅᑉ ᐱᓇᓱᐊᕐᕕᖏᑦ, ᖃᐅᔨᒪᔭᐅᑎᑦᓯᒍᒪᒧᑦ ᐱᓇᓱᐊᕈᑕᐅᒻᒪᕆᓐᓂᖓᓂᒃ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕈᑎᖃᕐᓂᐅᑉ ᐊᑐᓂ ᓄᓇᓕᓐᓂ ᐊᑐᐊᕐᓗᒍ.
ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᐅᑉ ᑲᑎᒪᓂᒻᒪᕆᖃᕈᑕᐅᓂᖓ ᓄᓇᕕᒻᒥ
ᐱᑐᕝᕕ ᓄᓇᒥᒃ ᑎᒍᒥᐊᕐᑎᑯᑦ ᑕᕐᖁᑎᓪᓗ ᐱᓇᓱᐊᖃᑎᒌᒃᑰᒃ ᑲᑎᒪᖃᑎᒌᒍᑕᐅᓂᖓᓄᑦ ᓯᓪᓕᑎᐅᑉ, ᓯᕗᓪᓕᐹᑦᓯᐊᖅ ᐃᓄᓐᓄᑦ ᐊᐅᓚᑕᐅᑦᓱᓂ ᑲᑎᒪᓂᒻᒪᕆᒃ ᓄᓇᕕᒻᒥ ᐃᓕᖓᔪᖅ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᒧᑦ. ᑖᓐᓇ ᐊᑑᑎᓚᐅᔪᖅ ᐊᐅᒎᓯ 22-ᒥᑦ 24-ᒧᑦ 2023-ᒥ ᐃᓄᒃᔪᐊᒥ.
ᑖᓐᓇ ᐊᑑᑎᓚᐅᔪᖅ ᐊᐅᒎᓯ 22-ᒥᑦ 24-ᒧᑦ 2023-ᒥ ᐃᓄᒃᔪᐊᒥ.