Nunavik Interest Towards Clean Energy Transition Take the survey now!

ᐃᓄᒃᔪᐊᖅ

ᐃᓄᒃᔪᐊᖅ ᑕᕐᕋᓯᖓᓃᑦᑐᖅ ᐃᓐᓄᒃᓱᐊᒃ ᑯᖓᓂ 1,500 ᑭᓛᒥᑕᑲᓴᓐᓄᑦ ᐅᖓᓯᑦᑎᒋᔪᖅ ᒪᓐᑐᕆᐊᒥᒃ. 1,800-ᓂᒃ ᐃᓄᓕ ᕿᒥᕐᕈᓱᓂᓗ ᐊᑌᓐᓇᑐᑦᓯᐊᑯᑦ ᐊᑦᓱᐃᓕᒍᒪᓂᕐᒥᒃ ᐊᓯᑦᔨᑎᕆᕙᓪᓕᐊᓂᒃᑯᑦ ᐊᑐᕐᓗᓂ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ.

ᓄᓇᓕᖓ ᐱᔪᕆᐅᑎᓕᒃ ᓄᐃᑦᓯᓯᒪᓂᕐᒥᓂᒃ ᐃᓐᓇᕕᒥᒃ ᑰᒻᒥᒃ ᐊᑐᕐᓱᑎᒃ ᐃᑯᒪᓕᐅᕈᑎᒥᒃ, ᑖᓐᓇᓗ 7.5 MW-ᓂᒃ ᓲᖑᓂᓕ ᐃᓂᓪᓚᑕᐅᓯᒪᔪᖅ ᐃᓄᒃᔪᐊᑉ ᑰᖓᓂ. ᑖᓐᓇ ᐱᓇᓱᐊᕐᑕᐅᓯᒪᔪᖅ ᓯᕗᓪᓕᐸᐅᓗᓂ ᓯᕗᓕᕈᑎᐅᓚᖓᒍᓇᐅᓕᕐᑐᖅ ᓄᓇᖃᕐᖄᓯᒪᔪᓄᑦ ᓇᒻᒥᓂᕆᔭᐅᓗᓂ ᓄᑕᐅᓯᓕᑎᕈᓐᓇᑐᒥᒃ ᐃᑯᒪᓕᐅᕈᑎᖃᕐᓂᐅᓗᓂ North America-ᒥ, ᓴᕐᕿᑎᑦᓯᒍᑕᐅᔪᖅ ᐱᒍᓐᓇᕕᖃᕐᓂᒥᒃ ᓄᐃᑎᕆᒋᐊᒥᒃ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ ᓱᒃᑯᑎᕆᓂᖃᓪᓗᐊᖏᓪᓗᓂ ᓄᓇᒥᒃ, ᐃᒪᕐᒥᒃ ᐆᒪᔪᓂᓪᓗ, ᓄᐃᑎᕆᑦᓯᐊᕈᑎᐅᓗᓂᓗ ᐃᓅᓯᕐᑎᒍᑦ ᑮᓇᐅᔭᑎᒍᓪᓗ ᐱᕙᓪᓕᖁᑎᐅᒍᓐᓇᑐᓂᒃ ᓄᓇᓕᒻᒧᑦ.

ᐃᓄᒃᔪᐊᖅ ᓯᕗᓪᓕᐸᐅᑦᓱᓂ ᑲᑎᒪᓂᕐᔪᐊᖃᕐᑎᓯᓚᐅᔪᖅ ᓄᑕᐅᓯᓕᕈᓐᓇᑐᑎᒍᑦ ᐃᑯᒪᓕᐅᕐᓂᖅ ᓄᓇᕕᒻᒥ ᐱᑦᔪᑎᐅᑎᓪᓗᒍ, ᑲᑎᒪᓂᖅ ᑌᔭᐅᔪᖅ ᓯᓪᓕᑎᒥᒃ, ᐊᑑᑎᓚᐅᔪᖅ ᐊᐅᒡᒎᓯ 2023-ᒥ. 80 ᐅᖓᑖᓄᑦ ᑲᑎᒪᔭᕐᑐᓚᐅᔪᑦ ᓄᓇᕕᒻᒥᑦ ᓄᓇᓂᓪᓗ ᐊᓯᖏᓐᓂᑦ, ᐅᖄᔨᐅᒋᐊᕐᑐᓯᒪᔪᖃᕐᓱᓂ ᑲᑎᒪᓂᐊᕈᓯᖃᕐᑎᓯᓂᖃᕐᓱᓂᓗ ᑫᓪᓗᑐᐃᒍᑕᐅᑦᓱᓂ ᐱᒍᓐᓇᓯᑎᑦᓯᒐᓱᐊᕈᑕᐅᑦᓱᓂᓗ ᓄᓇᕕᒻᒥᐅᓂᒃ ᑎᒍᓯᕙᓪᓕᐊᕈᓐᓇᖁᓪᓗᒋᑦ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ ᐊᓯᑦᔨᐸᓪᓕᐊᒍᑎᖃᕐᓂᒥᒃ.