Nunavik Interest Towards Clean Energy Transition Take the survey now!

1-888- TARQUTI ᑕᕐᖁᑎ

ᐳᕕᕐᓂᑐᖅ

4 ᑭᓛᒥᑕᓄᑦ ᐅᖓᓯᓐᓂᓕᒃ ᐳᕕᕐᓂᑑᑉ ᑲᖏᕐᓱᖓᓂᑦ, ᑕᕐᕋᓯᖓᓂ ᑰᖓᑕ, ᐳᕕᕐᓂᑐᖅ ᖃᖓᑦᑕᔫᓄᑦ ᐊᕐᖁᓵᒐᐅᔪᖅ ᑕᓯᐅᔭᕐᔪᐊᒥ. ᐳᕕᕐᓂᑐᖅ ᐃᓄᑦᑎᑐᑦ ᑐᑭᓕᒃ “ᐃᒍᓇᕐᑐᕕᓂᐊᕐᓂᒥ”. ᓄᓇᓕᖓ ᖃᐅᔨᒪᔭᐅᑦᓯᐊᕈᑎᓕᒃ ᐅᑭᐅᒃᑯᑦ ᐱᖕᖑᐊᓂᒻᒪᕆᐅᓲᒥᒃ, ᐊᕐᕌᒍᒃ ᒪᕐᕈᑕᒫᑦ ᐊᑑᑎᓲᒥᒃ. ᐳᕕᕐᓂᑑᑉ ᑲᑎᒪᔨᒃᑯᖏᑦ ᐃᓚᒋᔭᐅᑦᓯᐊᑐᑦ ᐱᕙᓪᓕᐊᑎᑕᐅᒐᓱᐊᕐᓂᖓᓄᑦ ᓄᓇᓕᐅᑉ, ᐅᐱᓐᓇᕋᓂ ᓄᓇᓕᒃ ᐊᐅᓚᒻᒪ ᓄᓇᒥᒃ ᑎᒍᒥᐊᕐᑎᖃᕋᓂ.

2021-ᒥ, ᑕᕐᖁᑎᐅᑉ ᐱᓇᓱᐊᕐᑎᖏᑦ ᓇᑉᐯᓚᐅᔪᑦ ᐊᓄᕆᒥᒃ ᖃᐅᔨᓴᕈᑎᐅᔪᒥᒃ ᐱᓇᓱᐊᖃᑎᖃᕐᓱᑎᒃ ᑯᐊᐸᒥᒃ ᓄᓇᓕᐅᓪᓗ ᑲᑎᒪᔨᒃᑯᖏᓐᓂᒃ ᖃᐅᔨᒪᒐᓱᐊᕈᑎᒋᒍᒪᓕᕐᓱᒍ ᓄᓇᖁᑎᒥᑕ ᐊᓄᕆᒍᓯᖓᓂᒃ. ᓄᓇᓕᒻᒥᐅᑌᑦ ᐃᓚᖏᑦ ᐅᓇᒻᒥᒋᔭᖃᕐᓯᒪᒻᒪᑕ ᐃᑯᒪᓕᐅᕐᓂᐅᑉ ᐊᓯᑦᔨᐸᓪᓕᐊᒍᑎᒋᒍᓐᓇᑕᖏᓐᓂᒃ, ᓄᓇᓕᖓ ᐱᒋᐊᕐᑎᓯᓯᒪᓕᕐᑐᖅ ᐊᕙᑎᐅᑉ ᓱᕐᕋᑕᐅᒍᑎᒋᒍᓐᓇᑕᖏᑦ ᖃᐅᔨᓴᕐᑕᐅᖁᓪᓗᒋᑦ ᐃᓚᖃᕐᑎᓗᒍ ᑐᑭᓯᒪᔭᐅᒐᓱᐊᕐᓂᖓ ᑎᒻᒥᐊᑦ ᐃᒣᖕᖓᑌᓪᓗ. ᑕᕐᕿᓂ ᙯᔪᓂ, ᑕᕐᖁᑎ ᓄᓇᓕᐅᓪᓗ ᐃᑯᒪᓕᐅᕐᓂᒧᑦ ᓴᐳᒻᒥᔨᖓ, ᐃᐅᔩᓐ ᐳᑐᒍᖅ, ᑕᑯᓐᓇᕋᓱᐊᓕᕐᑐᑦ ᐱᓇᓱᐊᖃᑎᖃᕈᒪᓂᕐᒥᒃ ᑯᐊᐸᒥᒃ ᓄᓇᓕᐅᓪᓗ ᑲᑎᒪᔨᒃᑯᖏᓐᓂᒃ ᐃᓚᐅᑎᑦᓯᒐᓱᐊᕐᓗᑎᒃ ᓄᓇᓕᐅᑉ ᐱᓇᓱᐊᕐᕕᖁᑎᖏᓐᓂᒃ, ᓄᐃᑎᕆᓗᑎᓪᓗ ᓄᓇᓕᐅᑉ ᐃᑯᒪᓕᐅᕐᓂᒧᑦ ᐸᕐᓇᓯᒪᐅᑎᑦᓴᖓᓂᒃ ᐱᓇᓱᐊᕐᑐᓴᐅᓂᐊᕐᑐᓂᓪᓗ ᐃᑯᒪᓕᐅᕐᓂᐅᔪᓂᒃ ᓴᕐᕿᑎᕆᓗᑎᒃ.

ᐃᓚᐅᒍᒪᒍᕕᑦ ᐳᕕᕐᓂᑑᑉ ᐃᑯᒪᓕᐅᕐᓂᒥᒃ ᐊᓯᑦᔨᑎᕆᕙᓪᓕᐊᒍᒪᓂᖓᓄᑦ, ᖃᐅᔨᒋᐊᕐᕕᖃᕆᑦ ᐃᐅᔩᓐ ᐳᑐᒍᕐᒥᒃ ᐅᕗᖓ eugene.putugu@tarquti.ca