ᑕᕐᖁᑎ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᕐᓂᒥᒃ ᕿᒥᕐᕈᓂᖅ
ᓯᑦᑎᒻᐱᕆ 9ᒥᑦ 12ᒧᑦ, 2024ᒥ, ᑕᕐᖁᑎ ᐃᑯᒪᓕᐅᕐᓂᒧᑦ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᕐᓂᒧᑦ ᕿᒥᕐᕈᒋᐊᕐᑐᕆᐊᖕᖓᓂᕐᖁᑦ ᑲᔅᐱ ᓄᓇᖓᓄᑦ, ᑲᑎᑦᓱᑎᑦ 30 ᓄᓇᕕᒻᒥᐅᑦ 10ᓂᑦ ᓄᓇᕕᒻᒥ ᓄᓇᓕᖏᓐᓂᑦ ᐊᒻᒪᓗ ᑕᕐᖁᑎ ᐱᓇᓱᑦᑎᓕᒫᖏᓪᓗ ᐁᓐᓂᖁᑦ. ᑖᒃᑯᓇᓂ ᐅᓪᓗᓂ ᓯᑕᒪᓂᑦ ᐊᐅᓪᓚᓯᒪᓂᕕᓂᖏᑦ ᑐᑭᓯᒋᐊᖕᖓᒍᑎᑦᓴᓕᐅᕈᑎᐅᓐᓂᖁᑦ ᐃᓚᐅᔪᓂᑦ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᕐᓂᒧᑦ ᐱᑐᒍᑎᑎᓂᑦ ᕿᒥᕐᕈᓱᑎᓗ ᐊᑑᑎᔭᐅᑐᐃᓐᓇᕆᐊᓕᓐᓂᑦ ᓄᓇᕕᒻᒥ.
ᑕᑯᓂᐊᕐᓂᖏᓐᓂᑦ ᐱᒋᐊᕐᓂᖁᑦ Nergica Research Centre, ᐃᓚᐅᔪᐃᑦ ᑕᑯᓐᓂᖁᑦ ᓯᕿᓂᕐᒧᑦ ᐃᑯᒪᓕᐅᕈᑎᓂᑦ, ᐊᓄᕆᒧᑦ ᑫᕕᑦᑐᓂᑦ, ᐱᑐᒍᑎᒧᕐᑐᓂᑦ ᖃᓄᐃᓗᕐᓂᖏᓐᓂᑦ. ᐊᒥᓱᐃᑦ ᐁᓯᒪᔪᐃᑦ ᐃᑦᔭᕋᑦᓯᐊᖑᓂᕃᓐᓂᖁᑦ ᐱᑐᒍᑎᓂᑦ, ᑕᑯᓐᓇᐅᔮᕐᑕᖏᓐᓂᑦ ᖃᓄᖅ ᐊᑐᕈᓐᓇᕋᔭᕐᓂᖏᓐᓂᑦ ᓇᒻᒥᓂᖅ ᓄᓇᓕᒥᓂᑦ.
ᑭᖑᓂᐊᒍᑦ, ᑖᒃᑯᐊ ᑕᑯᓂᐊᕐᑎᑕᐅᓯᓐᓂᒥᔪᐃᑦ 100.5 MW Wind Power Farm ᓄᓇᖓᓂ l’Anse-à-Valleau, ᑕᒫᓂ ᖃᓄᕆᐅᑉ ᐃᑯᒪᓕᐅᕐᓂᖓ ᑐᑭᓯᓇᕐᓯᓂᕐᖁᖅ. ᑕᑯᓂᐊᕐᓂᒥᔪᐃᑦ Caribou Ungava -ᖑᓂᕋᕐᑕᐅᔪᒥᒃ, ᐋᓐᓂᐊᓯᐅᕐᑎᒪᕆᒃ ᓯᑎᕝ ᑯᑎ, ᖃᐅᔨᒪᔪᒻᒪᕆᒃ ᐃᑎᒐᔮᓕᓐᓂᑦ ᐆᒪᔪᓂᑦ, ᖃᐅᔨᒍᑎᑦᓯᐊᖑᑦᓱᑎᑦ ᓱᕐᕃᒍᑎᐅᒍᓐᓇᑐᓂᑦ ᐊᓄᕆᒧᑦ ᐃᑯᒪᓕᐅᕈᑎᓂᑦ ᑫᕕᑦᑐᓂᑦ ᑐᑦᑐᖁᑎᖏᓐᓂᑦ ᓄᓇᕕᒻᒥ. ᐅᖄᔭᕕᓂᖏᑦ, ᐊᓪᓚᖑᐊᕐᓯᒪᔪᐃᑦ ᐊᑦᔨᒌᖕᖏᓂᖏᑦ ᐊᓄᕆᒧᑦ ᑫᕕᑦᑐᐃᑦ ᓱᕐᕋᑕᐅᒍᑎᖏᓐᓂᑦ ᑐᑦᑐᕙᓐᓂᑦ ᓯᑲᓐᑕᓀᕕᐊᒦᑦᑐᓂᑦ, ᐅᖄᒍᑎᐅᒋᐊᖕᖓᓯᓐᓂᖁᑦ ᖃᓄᖅ ᑖᒃᑯᐊ ᐱᓇᓱᑦᑕᐅᔪᑦᓭᑦ ᓯᕗᒧᐊᑦᑎᓯᒍᓐᓇᓂᖏᓐᓂᑦ ᓲᓱᑦᓴᓯᐊᖏᓐᓇᓗᑎᑦ ᓄᓇᖁᑎᖓᑕ ᐆᒪᔪᖏᓐᓂᑦ ᐱᐅᓯᑐᖃᖏᓐᓂᓗ.
The delegation also learned from the Mi’gmaq community at the Mesgi’g Ugju’s’n Wind Farm, sharing insights into how Indigenous communities can partner on energy projects. At Collegia, participants learned more about the various training programs for wind turbine technicians, watched a rescue demonstration, and heard from technicians who gave them a sense of the commitment and expertise that goes into maintaining these facilities.
ᓂᐊᒍᑦ, ᑕᑯᓂᐊᕐᓂᖁᑦ LM Wind Power ᐊᒻᒪᓗ Ganex -ᖑᓂᕋᕐᑕᐅᔪᒥᒃ ᓄᐃᑕᑎᑦᓯᑎᓪᓗᒋᑦ ᓄᑖᖑᓂᕐᐹᓂᑦ ᐊᑐᕐᑕᐅᔪᓂᑦ ᓄᑕᐅᓯᓕᕈᓐᓇᑐᓂᑦ ᐃᑯᒪᓕᐅᖁᑎᓂᑦ ᐱᐅᒡᒍᑎᖏᓐᓂᓗ.
ᑕᑯᓂᐊᕐᓂᖏᑦ ᑲᔪᓯᒍᓐᓇᓯᓐᓂᖁᑦ ᐃᑲᔪᕐᓯᔭᐅᑦᓱᑎᑦ ᐊᑕᓂᖅ-ᓄᓇᖃᕐᖄᓯᒪᔪᓂᑦ ᐱᓇᓱᖃᑎᖃᕐᓂᒧᑦ ᐊᒻᒪᓗ ᐅᑭᐅᕐᑕᑐᒧᓕᖓᔪᓂᑦ ᐱᒍᑦᔨᕕᖓ ᑲᓇᑕᒥ.
ᐅᖃᐅᓯᑦᓴᖏᑦ: ᐃᓕᑦᓯᒍᑎᕕᓂᖏᑦ ᐃᓚᐅᔪᐃᑦ
ᐃᓚᐅᔪᐃᑦ ᐱᒍᓇᐅᑦᓯᖓᓚᕿᑎᑕᐅᓐᓂᖁᑦ ᐊᑑᑎᑎᔭᕕᓂᕐᒥᓄᑦ. “ ᐊᓕᐊᓱᒃᑯᖓ ᐅᕙᒍᑦ, ᐃᓅᔪᒍᑦ, ᐃᓚᐅᑎᑕᐅᒐᑦᑕ ᓴᓗᒪᔪᒥᒃ ᐃᑯᒪᓕᐅᕐᓂᒧᑦ ᐱᓇᓱᐊᕐᓂᓄᑦ ᐅᑭᐅᕐᑕᑐᖅ ᐊᓯᐅᓪᓚᕆᓚᐅᕐᑎᓇᒍ. ᐱᖃᓗᔦᑦ ᐊᒻᒪᓗ ᐊᓂᐅᒃ ᐆᒪᔪᕐᓂᐊᕈᓐᓇᒍᑎᒋᒐᑦᑎᒋᑦ ᓄᓇᓕᐊᕈᑎᒋᒍᓐᓇᓱᒋᓗ ᐱᐅᓯᑐᖃᑦᑎᓂᑦ ᐊᑑᑎᓂᕐᓄᑦ,” ᐅᖃᕐᑐᕕᓂᖅ ᐃᓚᖓᑦ ᐃᓚᐅᔪᖅ. ᐊᓯᒋᐊᓪᓚᖓ ᐅᖃᕐᓂᒥᔪᖅ, “
ᐃᓕᒍᒪᓂᖃᑦᓯᐊᖁᑦ: “ᑕᑯᓂᐊᕐᓂᖅ ᖃᐅᔨᒍᑎᑦᓯᐊᖑᓐᓂᖁᖅ ᐅᕙᓐᓄᑦ. ᓇᑯᕐᓴᖁᖓ ᑕᕐᖁᑎᒃᑯᓂᑦ ᐱᕕᑦᓴᖃᕐᑎᓂᕐ`ᒫᖓ ᐊᑑᑎᔭᕕᓂᒃᑕᓂᑦ ᖃᐅᔨᔭᒃᖃᓂᓗ ᐊᓄᕆᒧᑦ ᐃᑯᒪᓕᐅᕐᓂᓄᓕᖓᔪᓂᑦ,” ᐅᖃᕐᑐᕕᓂᖅ ᐱᖓᔪᖓ ᐃᓚᐅᔪᕕᓂᖅ.
ᓄᓇᕕᒃ ᓴᓗᒪᔪᒥᒃ ᐃᑯᒪᓕᐅᕐᓂᒥᒃ ᐱᒍᒪᕗᑦ, ᑕᕐᖁᑎᒃᑯᑦ ᐅᐱᒍᓱᒃᑯᑦ ᐃᑲᔪᕐᓯᒋᐊᒥᒃ ᓯᕗᓕᕐᓗᑎᑦ ᑖᕗᖓᐅᓕᒍᓐᓇᑐᒥᒃ ᓯᕗᓂᖃᕐᓂᒥᒃ, ᓴᐳᒻᒥᓗᑎᑦ ᓄᓇᒥᒃ, ᐱᐅᓯᑐᖃᕐᓂᑦ, ᐊᕙᑎᒥᓗ ᑭᖑᕚᕗᓐᓄᑦ.
ᐊᑐᐊᕈᒃ ᐊᓪᓚᑕᕕᓂᖅ ᑐᓴᕋᑦᓴᓕᕆᔨᒃᑯᑦ ᓈᓚᐅᑎᖓᓂ Radio Canada ᑕᑯᓂᐊᕐᓂᕕᓂᓕᕆᔪᖅ: https://ici.radio-canada.ca/nouvelle/2104041/energies-renouvelables-eolien-solaire-inuit-gaspe