ᐃᓚᐅᒍᒪᒍᕕᑦ ᑯᑦᔪᐊᑉ ᐃᑯᒪᓕᐅᕐᓂᒥᒃ ᐊᓯᑦᔨᑎᕆᕙᓪᓕᐊᒍᒪᓂᖓᓄᑦ, ᖃᐅᔨᒋᐊᕐᕕᖃᕆᑦ ᐅᕙᑦᑎᓂᒃ ᐅᕗᖓ kuujjuaq@tarquti.ca
Nunavik Interest Towards Clean Energy Transition Take the survey now!
Nunavik Interest Towards Clean Energy Transition Take the survey now!
ᑯᑦᔪᐊᖅ, ᓄᓇᓕᕐᓚᐅᓂᕐᐹᖅ 2,828-ᓂᒃ ᐃᓄᖃᕐᓱᓂ, ᐅᐊᓕᓂᖓᓃᑦᑐᖅ ᑯᑦᔪᐊᑉ ᑯᖓᑕ, 50 ᑭᓛᒥᑕᓄᑦ ᐅᖓᓯᕐᓂᖃᕐᓱᓂ ᐅᖓᕙᒥᑦ. ᓄᓇᕕᐅᑉ ᓄᓇᓕᓕᒫᖏᓐᓂᑦ ᑕᕆᐅᖑᖕᖏᑐᒦᑦᑐᑐᐊᖅ. ᑯᑦᔪᐊᖅ ᐊᐅᓚᑦᓯᓂᓕᕆᓂᕐᓄᑦ ᐃᓂᒋᔭᐅᔪᖅ ᓄᓇᕕᒻᒥ ᐊᒻᒪᓗ ᐊᕐᖁᑎᒋᔭᐅᑦᓱᓂ ᖃᖓᑦᑕᔫᒃᑯᑦ ᐊᐅᓚᔪᓄᑦ ᓄᓇᕕᒻᒧᑦ ᓄᓇᕕᒻᒥᓗ.
2021-ᖑᑎᓪᓗᒍ, ᑕᕐᖁᑎᐅᑉ ᐱᓇᓱᐊᕐᑎᖏᑦ ᓇᑉᐯᓚᐅᔪᑦ ᓇᐸᔪᐊᓗᒻᒥᒃ ᐊᓄᕆᒥᒃ ᓇᐅᑦᓯᑐᕈᑎᐅᓚᖓᔪᒥᒃ ᑕᒪᑦᓱᒪᓗ ᐊᓄᕆᓂᖓ ᖃᓄᐃᓪᓗᐊᑎᒌᒻᒪᖔ ᖃᐅᔨᒪᒐᓱᐊᕈᑎᐅᓚᖓᔪᒥᒃ. ᖃᐅᔨᓴᕈᑎᒋᐊᓪᓓᑦ ᓄᐊᑕᐅᓚᖓᔪᑦ ᐊᕐᕌᒍᓂ ᙯᔪᓂ, ᑖᓐᓇ ᐊᓄᕆᒥᒃ ᓇᐅᑦᓯᑑᑎᒃ ᓇᐸᔪᐊᓘᒃ ᓅᑕᐅᖕᖑᓱᒻᒪᑦ 2023-ᒥ. ᑯᑦᔪᐊᖅ ᖃᐅᔨᒍᒪᓯᒪᒻᒪᕆᑦᑐᖅ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕈᑎᐅᒍᓐᓇᑐᓂᒃ.
ᓯᑎᒻᐱᕆ 2017-ᖑᑎᓪᓗᒍ, ᒪᑭᕝᕕᒃ ᐃᓕᓯᓚᐅᔪᒻᒥᔪᖅ ᓯᕿᓂᕐᒧᑦ ᐃᑯᒪᓕᐅᕈᑎᑦᓴᔭᓂᒃ ᒪᕐᕉᒃ ᐃᓪᓗᖁᑎᒥᑕ ᓯᓚᑖᓂ ᑐᑭᓯᒐᓱᐊᕈᒪᑦᓱᒍ ᖃᓄᓪᓗᐊᑎᒌᒃ ᐊᑐᑦᓯᐊᕈᓐᓇᒪᖔᑦ ᑖᓐᓇ ᐃᑯᒪᓕᐅᕈᑎᒃ. 2022 ᐅᐱᕐᖔᖓᓂ, ᑯᑦᔪᐊᒥᐅᑦ ᑎᒥᖁᑎᖓᑕ ᑲᒪᔨᒻᒪᕆᖓ ᔨᓴᓐ ᐁᑦᓯᓴᓐ ᓯᕗᓕᓚᐅᔪᒻᒥᔪᖅ ᐃᓕᔭᐅᑎᑦᓯᓱᓂ 100 kW-ᓂᒃ ᓲᖑᓂᓕᒻᒥᒃ ᓯᕿᓂᕐᒧᑦ ᐃᑯᒪᓕᐅᕈᑎᑦᓴᔭᒥᒃ ᓯᐊᕐᕆᔭᕐᕕᐅᑉ ᐃᑯᒪᕐᑐᓂᖓᓄᑦ ᐊᑐᕐᑕᐅᖃᑦᑕᓂᐊᕐᑐᒥᒃ ᐅᐱᕐᖔᖑᓕᕐᐸᑦ ᐊᒻᒪᓗ ᐃᑯᒪᓕᐊᖑᒋᐊᓪᓚᓯᒪᔪᑦ ᐃᓕᐅᕐᖃᑕᐅᒍᓐᓇᓯᒪᔪᑦ ᐱᑐᑦᓯᒪᕕᐅᒌᕐᑐᒧᑦ. ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕈᑎᓕᐊᖑᔪᖅ ᑖᓐᓇ ᓄᐃᑕᐅᒍᓐᓇᓯᓯᒪᔪᖅ ᑲᓇᑕᐅᑉ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᒧᑦ ᐱᓇᓱᐊᕐᑕᐅᑎᑦᓯᕕᖓᓄᑦ – ᓄᓇᖃᕐᖄᓯᒪᔪᑦ ᐅᕐᓱᐊᓗᑦᑐᑐᓂᒃ ᐃᑯᒪᓕᐅᕈᑎᖃᕈᓐᓀᒐᓱᐊᕐᓂᖓ ᐱᓇᓱᐊᕐᑕᐅᔪᖅ ᐊᑐᕐᓱᒍ.
ᐃᓚᐅᒍᒪᒍᕕᑦ ᑯᑦᔪᐊᑉ ᐃᑯᒪᓕᐅᕐᓂᒥᒃ ᐊᓯᑦᔨᑎᕆᕙᓪᓕᐊᒍᒪᓂᖓᓄᑦ, ᖃᐅᔨᒋᐊᕐᕕᖃᕆᑦ ᐅᕙᑦᑎᓂᒃ ᐅᕗᖓ kuujjuaq@tarquti.ca