Nunavik Interest Towards Clean Energy Transition Take the survey now!

An experienced energy industry advisor joins the ranks of Tarquti

ᑕᕐᖁᑎ ᐆᒻᒪᖁᑏᑦ ᐅᐱᒍᓱᑉᐳᖅ ᖃᐅᔨᑎᑦᓯᒋᐊᒥᒃ ᐃᓚᒋᐊᕈᑎᐅᔪᒥᒃ ᐱᓇᓱᐊᕐᓯᒪᑦᓱᓂ ᐆᒻᒪᖁᑎᓕᕆᓂᕐᒥᒃ ᐅᖃᐅᑦᔩᒋᐊᕐᑎ ᐊᒻᒪᓗ ᓂᐊᕕᐊᑦᓴᖃᕐᓂᒧᑦ ᓯᕗᓕᕐᑎᒪᕆᒃ ᐱᓇᓱᖃᑎᒥᓄᑦ, ᐊᒦᓇ ᑭᐊᕐᐴᔅ. ᐊᒦᓇ ᐱᒋᐊᕐᑐᕕᓂᖅ ᑕᕐᖁᑎᒃᑯᓄᑦ ᐊᐅᒡᒍᓯ 21, 2023-ᒥ, ᓯᕗᓪᓕᐹᒥ ᐅᓪᓗᖓᓂ ᓯᓪᓕᑎᒃ, ᓯᕗᓪᓕᐹᖅ ᓴᓗᒪᔪᓂᒃ ᐆᒻᒪᖁᑎᑦᓴᓕᐅᕐᓂᒧᑦ ᑲᑎᒪᓂᒻᒪᕆᖓᓄᑦ ᓄᓇᕕᒻᒥ ᐊᕐᑕᐅᔪᕕᓂᖅ ᐃᓄᑦᔪᐊᖅ, ᑯᐯᒻᒥ.

ᐊᒦᓇ ᐱᑕᖃᕐᖁᖅ ᐱᐅᔪᒥᒃ ᐱᓇᓱᐊᕐᓯᒪᓂᕐᒥᒃ, ᑲᒪᔨᐅᓂᕐᒧᑦ ᐱᓇᓱᒐᖃᕐᓯᒪᑦᓱᓂ ᐱᒻᒪᕆᒻᒧᑦ ᓄᑕᐅᓯᓕᕐᑕᐅᓲᓄᑦ ᐆᒻᒪᖁᑎᓄᑦ ᐱᕙᓪᓕᐊᑎᑦᓯᔩᑦ ᑕᕆᐅᑉ ᐊᑭᐊᓂ ᐊᒻᒪᓗ ᐊᒥᐊᔨᑫᑦ ᐅᐊᓐᓇᖓᓂ ᐊᒻᒪᓗ ᐱᓇᓱᐊᕐᓯᒪᑦᓱᓂ ᐱᖁᔭᓕᕆᔨᒻᒪᕆᐅᓂᕐᒥᒃ ᓯᕗᓕᕐᑐᓄᑦ ᐊᓄᕆᒧᑦ ᐆᒻᒪᖁᑎᓕᐅᕈᑎᓄᑦ ᓴᓇᕕᖓᓂ, ᐊᓯᖏᓐᓄᓗ ᐱᐅᔪᓄᑦ ᐱᓇᓱᑦᓯᒪᑦᓱᓂ ᐆᒻᒪᖁᑎᓕᐅᕐᓂᒥ ᐊᒻᒪᓗ ᐊᕙᑎᒧᑦ ᐱᐅᔪᓄᑦ ᐆᒻᒪᖁᑎᓕᐅᕐᕕᓄᑦ. ᐊᕐᕌᒍᐃᑦ ᖁᓕᑦ ᐊᓂᒍᕐᑐᑦ, ᐋᕐᕿᒋᐊᕆᓯᒪᔪᖅ ᖃᐅᔨᒪᔨᐅᓂᕐᒥᓂᒃ ᐋᕐᕿᓯᒪᐅᑎᓄᑦ ᐅᖃᐅᑦᔩᒋᐊᕐᑎᐅᓂᕐᒥᓂᒃ ᑲᑎᓐᓂᓄᑦ ᐊᒻᒪᓗ ᓂᐅᕕᕐᓂᒧᑦ, ᑲᑎᐅᑎᓂᕐᒧᑦ ᑮᓇᐅᔭᓕᐅᕋᓱᐊᕐᓂᒧᑦ, ᐊᒻᒪᓗ ᐱᓇᓱᐊᖃᑎᖃᕐᓂᖅ ᐊᓯᖏᓐᓂᒃ ᑎᒥᐅᔪᓂᒃ. ᐱᒍᓐᓇᑕᖏᑦ ᐃᓗᓕᖃᕐᑐᑦ ᐊᖏᖃᑎᒌᓐᓂᒥᒃ ᓇᓗᓇᕐᑐᓂᒃ ᓂᐅᕕᐊᑦᓴᖃᕐᓂᒧᑦ ᐊᖏᖃᑎᒌᒍᑎᓂᒃ ᐃᓚᐅᑎᑦᓯᔪᑦ ᑖᒃᑯᓄᖓᓪᓗᑐᐊᐱᒃ ᑲᒻᐸᓂᓄᑦ ᐱᖁᔭᖏᓐᓄᑦ ᐊᒻᒪᓗ ᐊᐅᓚᑦᓯᓂᕐᒧᑦ ᐃᓱᒪᒋᔭᖃᕐᓂᒧᑦ ᐊᒻᒪᓗ ᐱᓇᓱᐊᖃᑎᖃᕐᓂᒧᑦ ᑲᒻᐸᓂᓂᒃ ᐱᓇᓱᐊᖃᑕᐅᔪᓂᒃ. ᐃᓚᐅᓂᖓ ᐱᓇᓱᐊᕐᑕᐅᔪᓂᒃ ᐱᕙᓪᓕᐊᑎᑦᓯᓂᕐᒧᑦ ᐱᒍᑦᔨᔪᖅ ᐱᐅᓯᐅᒥᑎᑦᓯᓂᕐᒧᑦ ᐱᐅᔫᓂᖏᓐᓂᒃ ᐊᐅᓚᑦᓯᓂᕐᒧᑦ ᐱᖁᑎᓂᒃ, ᑌᒪᖕᖓᓗ ᑲᒪᒋᑦᓯᐊᓗᒋᑦ ᑲᒪᒋᔭᖏᑦ ᐊᐅᓚᓂᕆᔭᐅᔪᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᖃᐅᔨᓴᕈᑎᓂᒃ ᐃᑉᐱᒍᓱᑦᓯᐊᓗᓂ ᐊᑦᑕᓇᕐᑐᒦᒻᒪᖔᑕ ᐊᐅᓚᑦᓯᓂᕐᒧᑦ ᐊᒻᒪᓗ ᒪᓕᑦᓯᐊᒪᖔᑕ ᖃᐅᔨᓴᕐᓂᒥᒃ.

“ᐊᒦᓇ ᐱᓇᓱᐊᓚᖓᔪᖅ ᐱᒻᒪᕆᒻᒥᒃ ᐸᕐᓀᑎᐅᓂᕐᒥᒃ ᑕᕐᖁᑎᒃᑯᓂ ᐱᕙᓪᓕᐊᑎᑦᓯᓂᕐᒥ ᓴᓗᒪᔪᓂᒃ ᐆᒻᒪᖁᑏᑦ ᐱᓇᓱᐊᕐᑕᐅᓂᖏᓐᓂ ᓄᓇᕕᒻᒥ. ᐃᓚᐅᓗᓂ, ᐋᕐᕿᓱᐃᓗᓂ ᐊᒻᒪᓗ ᐋᕐᕿᒋᐊᕈᑎᑦᓴᓄᑦ-ᐊᐅᓚᑕᐅᔪᖅ ᓯᕗᓕᕐᑎ, ᐊᒦᓇ ᐊᖏᔪᒻᒪᕆᒻᒥᒃ ᖃᐅᔨᒪᔪᖅ ᐊᐅᓚᑦᓯᓂᕐᒥᒃ, ᐊᑦᑕᓇᕐᑐᓂᒃ ᐊᒻᒪᓗ ᐱᐅᓕᓂᐊᒐᕐᓂᒃ ᑲᒪᒋᔭᖃᕐᓂᒧᑦ, ᐊᖏᖃᑎᒌᓐᓂᒧᑦ ᐊᒻᒪᓗ ᐊᐅᓚᑦᓯᓂᕐᒧᑦ ᐋᕐᕿᓱᐃᓂᕐᒥᒃ ᐊᑐᒃᑲᓂᕈᓐᓇᑐᓄᑦ ᐆᒻᒪᖁᑎᓕᕆᓂᕐᒥ. ᐱᓇᓱᐊᒻᒪᕆᓯᒪᓂᖓ ᐊᑑᑎᖃᕐᔪᐊᑐᖅ ᓴᓇᓂᕐᒧᑦ ᑐᑭᖃᑦᓯᐊᑐᓂᒃ ᐱᓇᓱᐊᕐᑕᐅᔪᓂᒃ ᐃᓄᓐᓄᑦ ᓄᓇᓕᖏᓐᓄᑦ”

ᔪᐃ ᓛᓐᔅ, ᑲᒪᔨᒻᒪᕆ, ᑕᕐᖁᑎ

ᓄᑖᖑᓗᓂ ᐋᕐᕿᓱᕐᓯᒪᐅᑎᑦᓴᓄ ᐊᒻᒪᓗ ᓂᐅᕕᐊᑦᓴᖃᕐᓂᒧᑦ ᐊᐅᓚᑦᓯᓂᕐᒧᑦ ᑐᑭᒧᐊᑦᑎᓯᔨ, ᐊᒦᓇ ᑲᒪᒋᔭᖃᓚᖓᔪᖅ ᐱᖁᑏᑦ ᐱᓇᓱᐊᕐᓂᖏᓐᓂᒃ ᐊᒻᒪᓗ ᐋᕐᕿᓱᕐᓯᒪᔪᓂᒃ ᐱᓇᓱᐊᖃᑎᖃᕐᓂᒥᒃ ᒪᓕᑦᑐᑦ ᑎᒥᐅᔫᑉ ᑐᕌᒐᖏᓐᓂᒃ. ᐱᒻᒪᕆᒻᒥᒃ ᐱᓇᓱᒐᖃᓚᖓᔪᖅ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᐊᑐᓕᕐᑎᓯᕐᓂᒧᑦ ᓂᐅᕕᖃᑦᑕᓂᕐᒥᒃ ᐊᒻᒪᓗ ᓂᐅᕕᕐᑎᓯᕐᓂᑦᒧ ᐊᖏᖃᑎᒌᒍᑎᓂᒃ ᖃᓄᐃᓕᖓᐅᑎᑦᓴᐅᔪᓂᒃ. ᖃᐅᑕᒫᑦ, ᐊᒦᓇ ᖃᐅᔨᒪᔭᒥᓂᒃ ᐁᑦᑐᐃᓚᖓᕗᖅ ᑕᕐᖁᑎᒃᑯᑦ ᐱᓇᓱᖃᑎᒌᖕᖏᓐᓄᑦ ᐃᑲᔪᕐᓗᓂ ᐱᓇᓱᐊᕐᑕᐅᔪᓂᒃ ᐊᒻᒪᓗ ᐊᐅᓚᑕᐅᓂᖏᓐᓂᒃ ᑮᓇᐅᔦᑦ ᖃᐅᔨᓴᕐᑕᐅᓂᖏᑦ ᐊᒻᒪᓗ ᐃᑉᐱᒋᔭᖃᕐᓗᓂ ᐃᖏᕐᕋᓯᐊᕐᑐᒥᒃ ᐱᓇᓱᐊᕐᓂᒥᒃ, ᐊᐅᓚᑕᐅᓂᖏᓐᓂᒃ, ᐊᑦᑕᓇᕐᑐᒨᕐᑎᓯᑦᑌᓕᓂᕐᒥᒃ, ᐊᒻᒪᓗ ᒪᓕᑦᓯᐊᓂᕐᒥᒃ ᐆᒻᒪᖁᑎᓕᕆᓂᕐᒥ ᒪᓕᑦᑕᐅᒋᐊᓕᓐᓂᒃ ᐊᒻᒪᓗ ᐱᖁᔭᓂᒃ.

“ᐊᓕᐊᓱᒃᑯᖓ ᐃᓚᐅᓯᒋᐊᒥᒃ ᑎᒥᐅᔪᒧᑦ ᓄᐃᑕᐅᓯᒪᔪᒧᑦ ᐃᓱᒪᑦᓯᐊᓱᑎᒃ, ᐋᕐᕿᓯᒪᔪᑎᒍᑦ ᐊᒻᒪᓗ ᑲᔪᓯᑎᑦᓯᒍᓐᓇᑐᓄᑦ ᐱᒻᒪᕆᐅᑎᑦᓯᔪᓄᑦ ᓄᓇᓖᑦ ᑭᖕᖒᒪᒋᔭᖏᓐᓂᒃ ᐱᒍᒪᔭᖃᕐᓱᑎᒃ ᐃᑲᔪᕐᓂᒥᒃ ᑕᑯᓐᓇᓂᖃᕐᓱᑎᒃ ᐱᐅᓂᕐᓴᒥᒃ ᓯᕗᓂᑦᓴᖃᕐᓂᒥᒃ ᓄᓇᕕᒻᒥᐅᓄᑦ. ᓯᕗᓪᓕᐅᖃᑕᐅᓂᖅ ᓄᐃᑕᐅᔪᓄᑦ ᐊᒻᒪᓗ ᓴᓇᑐᓂᕐᓄᑦ ᑕᒪᖏᒃ ᑐᖕᖓᓯᐊᕐᓇᑑᒃ ᐊᒻᒪᓗ ᐊᓕᐊᓇᕐᓱᑎᒃ: ᐃᓱᒪᒋᔭᖃᖕᖏᓚᖓ ᐱᐅᓂᕐᓴᒧᑦ ᑐᕌᓂᕐᒥᒃ ᑕᕐᖁᑎᐅᑉ ᐊᓯᐊᓂᒃ ᐋᕐᕿᓱᐃᓂᕐᒥᒃ ᓴᓗᒪᔪᓂᒃ ᐆᒪᖁᑎᓕᐅᕐᓂᒥᒃ, ᐃᓂᓕᐅᕐᓂᒥᒃ, ᐊᐅᓚᒍᑎᓄᑦ, ᐊᒻᒪᓗ ᑐᓂᐅᕐᙯᓂᕐᒥᒃ ᐃᒃᑮᓇᕐᑐᒥ ᐱᒍᒪᔭᐅᑎᑦᓯᓂᕐᒥᒃ ᑲᔪᓯᒍᓐᓇᑐᓂᒃ ᓄᓇᓕᓐᓄᑦ ᐊᐅᓚᑕᐅᔪᓂᒃ ᖃᓂᖕᖏᑐᒦᑦᑐᓂᒃ ᐱᓇᓱᐊᕐᑕᐅᔪᓂᒃ”

ᐊᒦᓇ ᑭᐊᕐᐴᔅ, ᐋᕐᕿᓯᒪᐅᑎᑦᓴᓄᑦ ᐊᒻᒪᓗ ᓂᐅᕕᐊᑦᓴᖃᕐᓂᒧᑦ ᐊᐅᓚᑦᓯᓂᕐᒧᑦ ᑐᑭᒧᐊᑦᑎᓯᔨ