ᑭᓇᒃᑰᕕᑕ?

ᓄᐃᑕᐅᓯᒪᔪᖅ 2017-ᒥ, ᑕᕐᖁᑎ ᐃᓄᐃᑦ ᑲᒻᐸᓂᖁᑎᖓ ᐱᓇᓱᐊᒐᖃᕐᑐᖅ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᐸᓕᐊᒐᓱᐊᕐᓂᒥᒃ, ᐃᑲᔪᕐᓯᒪᑦᓱᓂ ᓄᓇᕕᐅᑉ ᓄᓇᓕᖏᓐᓂᒃ ᓄᓇᓕᑎᒍᑦ ᑖᕗᖓᐅᓕᒍᓐᓇᑐᑎᒍᓪᓗ ᐃᑯᒪᓕᐅᕐᓂᒧᑦ ᐊᓯᑦᔨᑎᕆᕙᓪᓕᐊᓂᖓᓂᒃ, ᑐᕌᒐᖃᕐᑐᖅ ᐅᕐᓱᐊᓗᒻᒥᒃ ᐊᑐᕐᑕᐅᖏᓐᓂᓴᐅᑎᑦᓯᒐᓱᐊᕐᓂᒥᒃ ᓄᓇᕕᐅᓪᓗ ᐱᕙᓪᓕᖁᑎᑦᓴᖏᓐᓂᒃ ᐅᓄᕐᓯᐅᒥᑎᑦᓯᒐᓱᐊᕐᓱᓂ.

ᐱᓇᓱᐊᖓᕐᒨᓕᖓᔪᖅ ᐱᕈᕐᐸᓕᐊᒍᑎᑦᓭᓗ

ᐃᓚᒋᔭᐅᑦᓱᓂ ᓄᐃᖕᖑᓱᓕᕐᓂᖓᓄᑦ ᐊᓄᕆᒥᒃ ᐃᑯᒪᓕᐅᕈᑎᖃᕐᓂᐅᑉ ᖁᐊᕐᑕᒥ, ᑕᕐᖁᑎ ᐱᓇᓱᑦᑐᓴᕐᓯᐅᐳᖅ ᐃᓕᓐᓂᐊᑎᑦᓯᓚᖓᑦᓱᓂᓗ  ᒪᕐᕉᓂᒃ(2) ᐊᓄᕆᒧᑦ ᐃᑯᒪᓕᐅᕈᑎᓂᒃ ᑫᕙᑦᑐᓕᕆᔨᓐᓂᒃ – ᐳᕐᑐᓂᖃᕐᓗᑎᒃ 1-ᒥᒃ,

ᐱᓇᓱᐊᕐᕕᐅᔪᓂᒃ ᐊᐅᓚᑦᓯᔨᓄᑦ ᐃᓚᐅᖃᑦᑕᓂᐊᕐᑑᓂᒃ.  ᐱᓇᓱᑦᑎᑖᖑᔪᑦ ᐱᓇᓱᐊᖃᑎᐅᖃᑦᑕᓂᐊᕐᑐᑦ ᐱᓇᓱᐊᓕᓂᕐᓄᑦ ᐃᓕᓐᓂᐊᑎᑕᐅᖃᑦᑕᓗᑎᒃ, ᐱᓇᓱᐊᕐᕕᒃ ᑕᑯᓐᓇᒐᖃᓚᖓᔪᖅ ᐃᓕᓐᓂᐊᑎᑦᓯᓂᕐᒥᒃ, ᐱᒍᓐᓇᓯᑎᑦᓯᕙᓪᓕᐊᓂᕐᒥᒃ ᐃᒻᒥᓂᕿᒋᐅᕐᐸᓕᐊᑎᑦᓯᓂᖃᕐᓗᓂᓗ.

ᑖᒪᓐᓇ ᓄᐃᑕᑎᑦᓯᒍᑎᐅᔪᖅ ᑕᕐᖁᑎᐅᑉ ᑐᓂᒪᓂᖓᓂᒃ ᓄᐃᑎᕆᓂᕐᒧᑦ ᐱᕈᕐᓭᓂᕐᒧᓗ ᓄᓇᓕᒻᒥ ᐱᒍᓐᓇᑐᖕᖑᓚᖓᔪᓂᒃ ᓄᓇᕕᒻᒥ.  ᐊᑐᐃᓐᓇᐅᑎᑦᓯᔪᖅ ᐊᕐᖁᑕᐅᒍᓐᓇᑐᓂᒃ ᐊᕗᖓᐅᓕᔪᒥᒃ ᐱᓇᓱᒐᖃᕈᓐᓇᓯᓂᕐᒧᑦ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᐅᔪᓂ, ᐱᕕᑦᓴᖃᕐᑎᓯᑦᓱᓂ ᐳᕐᑐᓯᕙᓪᓕᐊᒍᓐᓇᓂᕐᒥᒃ ᐱᓇᓱᑦᑎᐅᓂᒃᑯᑦ ᑐᖕᖓᕕᒋᓗᒍ ᐱᓇᓱᐊᓕᓂᐅᓂᖅ, ᐱᒍᓐᓇᓯᓯᒪᓂᖅ, ᐃᓚᐅᑦᓯᐊᓂᖅ ᐃᓂᓪᓚᖓᑦᓯᐊᕈᓐᓇᓂᐅᔪᐃᓪᓗ.

ᐃᓇᖏᕐᑕᐅᑎᒌᓪᓗᑎᒃ ᐱᓇᓱᐊᕐᑑᒃ:  8-ᓂᒃ ᐅᓪᓗᓂᒃ, 6-ᓂᒃ ᐅᓪᓗᓂᒃ ᓄᕐᖃᖓᓗᑎᒃ ᐱᓇᓱᐊᕈᓰᒃ ᒪᕐᕉᒃ (2) ᑕᒫᑦ, ᑌᒣᓕᖓᓚᕿᔪᖅ ᐱᓇᓱᐊᕐᑐᙯᓐᓇᖁᔨᒧᑦ ᐃᓇᖏᕐᑕᐅᑎᔫᓪᓗ ᐱᓇᓱᐊᖃᑎᒌᑫᓐᓇᖃᑦᑕᖁᓪᓗᒋᒃ. 

ᑕᕐᖁᑎ – ᒪᕐᕉᒃ (2) ᐊᑌᓐᓇᑑᑦᓱᑎᒃ ᐱᓇᓱᒑᒃ – ᖁᐊᕐᑕᒥ

ᑕᒪᕐᒥᒃ ᐱᓇᓱᒑᒃ ᐃᓐᓄᓴᐅᑎᒋᒋᐊᓖᒃ

ᐱᓇᓱᐊᒐᓪᓚᕆᒋᓚᖓᔭᖏᑦ

ᐱᓇᓱᐊᕐᕕᐅᔪᓂᒃ ᐃᑲᔪᕐᓯᒪᓂᖅ

• ᐃᑲᔪᕐᑎᐅᓗᓂ ᐊᓄᕆᒧᑦ ᐃᑯᒪᓕᐅᕈᑎᓂᒃ ᑫᕙᑦᑐᓕᕆᔨᒻᒪᕆᒻᒥᒃ – ᐳᕐᑐᓂᓕᒃ 3, ᐅᑯᑎᒎᓇ:
• ᓯᖁᒥᑦᓯᒪᑎᑦᓯᑌᓕᓂᖅ ᐊᕐᕿᓱᐃᓂᕐᓗ ᓴᓇᒋᐊᓕᓐᓂᒃ
• ᐊᐅᓚᔪᓂᒃ, ᐃᑯᒪᒧᓕᖓᔪᓂᒃ ᓄᖃᕐᑎᓅᓕᖓᔪᓂᓪᓗ ᕿᒥᕐᕈᓂᖅ
• ᐃᓱᐃᓪᓕᕈᑎᐅᔪᓂᒃ ᐊᕐᕿᓱᐃᓂᖅ ᓯᖁᒥᑦᓯᒪᔪᓂᓪᓗ ᐋᕐᕿᓱᐃᓂᖅ
• ᐱᐅᒃᑯᑏᑦ ᐃᓕᐅᕐᖃᑕᐅᓕᕐᐸᑕ ᐊᐅᓚᑕᐅᓯᑉᐸᑕᓗ ᐃᑲᔪᕐᓯᒪᖃᑦᑕᓗᓂ
• ᕿᒥᕐᕈᔨᐅᖃᑦᑕᓗᓂ ᐃᑯᒪᓕᐅᕈᑏᑦ ᐊᐅᓚᔪᐃᓪᓗ ᐃᓚᑦᓴᔭᖏᓐᓂᒃ
• ᓄᐊᑦᓯᖃᑦᑕᓗᓂ ᐊᓪᓚᓯᒪᔪᓅᔦᖃᑦᑕᓗᓂᓗ ᐊᐅᓚᑦᓯᓂᕐᒧᑦ ᓴᓇᒋᐊᓪᓚᓂᕐᒧᓗ ᑐᑭᓯᒪᐅᑎᑦᓴᓂᒃ
• ᐊᑐᕈᓯᒋᒋᐊᓕᑦᓯᐊᖏᑎᒍᑦ ᐊᑐᖃᑦᑕᓗᓂ ᓴᓇᕐᕈᑎᓂᒃ, ᐱᐅᒃᑯᑎᓂᒃ ᐱᓇᓲᑎᓂᓪᓗ (ᐅᑦᑑᑎᒋᓗᒍ, SCADA-ᒥᒃ ᐳᕐᑐᓂᖃᕆᐊᓕᒃ).
• ᖃᐅᔨᔭᐅᑎᑦᓯᖃᑦᑕᓗᓂ ᑲᔪᓯᑦᓯᐊᖏᑦᔪᑎᓂᒃ, ᐊᑦᑕᓇᑐᐃᓐᓇᕆᐊᓕᓐᓂᒃ ᐅᕝᕙᓗᓐᓃᑦ ᑲᒪᒋᔭᐅᑦᓴᐅᑎᒋᒋᐊᖃᓕᕐᑐᓂᒃ
• ᐊᑦᑕᓇᖕᖏᑐᑦᓯᐊᑯᑦ ᐱᓇᓱᐊᖏᓐᓇᓯᐊᕐᓗᓂ ᐃᑲᔪᕐᑕᐅᒍᒪᖃᑦᑕᓗᓂᓗ ᕆᐊᖃᓕᕈᓂ.

ᐱᓇᓱᒍᑏᑦ ᐱᓇᓱᐊᕐᕕᐅᔪᐃᓪᓗ ᓴᓇᒪᑦᓯᐊᑎᑕᐅᒍᑎᖏᑦ

• ᐃᓚᐅᖃᑦᑕᓗᓂ ᕿᒥᕐᕈᔭᐅᓕᕐᐸᑕ ᑫᕙᑦᑐᐃᑦ ᐱᓇᓱᐊᕐᕕᐅᔪᒥᓪᓗ ᐱᐅᒃᑯᑏᑦ
• ᐱᓪᓗᑯᒋᐊᖃᕐᑐᑎᒎᕐᑐᓂ ᓇᓗᓀᕐᓯᖃᑦᑕᓗᓂ ᐅᐃᒪᐅᑎᖃᑦᑕᓗᒋᓪᓗ ᕆᐊᖃᓕᕐᐸᑕ
• ᐃᑲᔪᕐᓗᓂ ᐱᓇᓱᑦᑎᒪᕆᐅᔪᓂᒃ ᐅᕝᕙᓗᓐᓃᑦ OEM-ᑯᑦ ᑭᒡᒐᑐᕐᑎᖏᓐᓂᒃ ᐱᔭᕆᐊᑐᔪᓂᒃ ᐱᓇᓱᐊᕐᑕᐅᔪᖃᕆᐊᖃᓕᕐᐸᑦ.

ᐱᐅᒃᑯᑎᒻᒪᕇᑦ ᐊᐅᓚᔪᐃᓪᓗ ᓴᓇᒪᑦᓯᐊᑎᑕᐅᒍᑎᖏᑦ

• ᓴᓇᒪᑦᓯᐊᑎᑦᓯᓗᓂ ᐃᓪᓗᓂᒃ, ᐱᓇᓱᐊᕐᕕᐅᔪᓂᒃ ᐊᐅᓚᔪᓂᓪᓗ (ᐱᓪᓗᑯᒋᐊᖃᕐᑐᓕᕆᕖᑦ ᐃᓪᓗᐃᑦ, ᐊᐅᓚᑦᓯᒍᑎᐅᔪᓄᑦ ᐱᑐᑦᓯᒪᔪᐃᑦ, ᓄᓇᒃᑰᔫᑦ, ᓄᓇᒥ ᐱᓇᓱᐊᕐᕕᐅᔪᓂ ᐱᓇᓱᒍᑏ, ᐊᓯᖏᓪᓗ).
• ᐊᕐᕿᓯᒪᑦᓯᐊᑎᑦᓯᓗᓂ ᐊᐅᓚᒍᓐᓇᓯᐊᕐᑎᓯᓗᓂ ᐱᐅᒃᑯᑎᒻᒪᕆᓐᓂᒃ ᐊᑑᕐᑕᐅᒋᐊᖃᓪᓚᕆᑦᑐᓂᓪᓗ(ᐅᕐᖁᓯᓴᐅᑎᓂᒃ, ᐊᓄᕆᑖᕈᑎᓂᒃ, ᐃᑯᒪᐅᑎᒨᕐᑐᓂᒃ, ᐊᐅᓚᔪᓂᒃ, ᐊᓯᖏᓐᓂᓗ)
• ᐃᓚᐅᖃᑦᑕᓗᓂ ᕿᒥᕐᕈᔭᐅᓕᕐᐸᑕ ᓴᓇᒋᐊᓪᓛᔭᐅᓕᕐᐸᑕᓗ ᐊᐅᓚᔪᐃᑦ ᐱᓇᓱᒍᑏᓪᓗ, ᑲᔪᓯᑦᓯᐊᖏᑦᔪᑎᓂᒃ ᖃᐅᔨᔭᐅᑎᑦᓯᖃᑦᑕᓗᓂ ᓴᓇᔭᐅᒋᐊᖃᓕᕐᑐᓂᓪᓘᓃᑦ
• ᐃᑲᔪᕐᓯᒪᔨᐅᓗᓂ ᐱᑕᙯᓐᓇᕆᐊᖃᕐᓂᖏᑎᒍᑦ ᐃᓚᑦᓭᑦ, ᓴᓇᕐᕈᑏᑦ ᐱᓇᓱᒍᑏᓪᓗ
• ᐊᑦᑕᓇᖕᖏᑐᑦᓯᐊᖑᑎᑦᓯᓗᓂ ᐱᓇᓱᐊᕐᕕᒥᒃ ᓴᓗᒪᑏᓐᓇᓗᒍ, ᐃᓂᓪᓚᖓᑦᓯᐊᑎᓗᒍ ᒪᓕᒐᐅᒋᐊᓕᓅᓕᖓᑎᑦᓯᐊᓗᒍᓗ.

ᐱᓇᓱᐊᕐᕕᐅᔪᑦ ᐊᐅᓚᑕᐅᒍᑎᖏᑦ ᐃᓂᓪᓚᑕᐅᓯᒪᒍᑏᓪᓗ

• ᐊᑦᑕᓇᖕᖏᑐᒃᑯᑦ ᐊᐅᓚᑕᐅᕕᐅᑉ ᐱᓇᓱᒍᑎᖏᓐᓂᒃ ᐊᐅᓚᑦᓯᓗᓂ(ᓄᓇᒃᑰᔪᑦ ᐱᓪᓗᑯᒋᐊᓕᕐᑎᒍᓪᓗ ᐱᓇᓱᒍᑏᑦ ᓴᓇᒪᑎᓗᒋᑦ)
• ᕿᒥᕐᕈᖃᑦᑕᓗᓂ ᓴᓇᖃᑦᑕᓗᓂᓗ ᐱᓇᓱᒍᑎᓂᒃ
• ᐃᑲᔪᕐᓯᒪᔨᐅᓗᓂ ᐱᓇᓱᕝᕖᑦ ᐸᕐᓇᑕᐅᒪᒍᓯᖏᓐᓂᒃ, ᐃᓚᒋᔭᐅᑎᓪᓗᒋᑦ ᐅᓯᔭᐅᒍᑏᑦ, ᐱᐅᒃᑯᑏᑦ ᐊᐅᓚᑕᐅᒍᑎᖏᑦ ᐊᑐᐃᓐᓇᕈᕐᑎᑕᐅᓂᖏᑦᑕᓗ ᐱᓇᓱᐊᕈᑕᐅᒋᐊᓖᑦ
• ᖃᓄᐃᖕᖏᓯᐊᕆᐊᖃᕈᑏᑦ ᐊᑦᑕᓇᕐᑐᒦᑦᑌᓕᒍᑎᓪᓗ ᐱᓇᓱᐊᕐᓂᐅᔪᓂ ᒪᓕᒐᕐᑎᒎᓕᖓᑎᑦᓯᐊᓗᒋᑦ

ᖃᓄᐃᖕᖏᓯᐊᕐᓂᖅ, ᐊᑦᑕᓇᕐᑐᒦᑦᑌᓕᓂᖅ ᐱᓇᓱᐊᕐᕕᐅᔫᓪᓗ ᐊᕙᑎᖓ(HSE)

• ᑌᒪᖕᖓᓕᒫᖅ ᒪᓕᑦᓯᐊᓗᒋᑦ ᖃᓄᐃᖕᖏᓯᐊᕈᑎᑦᓭ, ᐊᑦᑕᓇᕐᑐᒦᒋᒃᑯᑏᑦ, ᐊᕙᑎᒋᔭᐅᔪᓪᓗ ᒪᓕᒐᖏᑦ ᐊᑐᑎᔭᐅᒋᐊᓖᓪᓗ
• ᒪᓕᑦᓯᐊᓗᒋᑦ ᐃᓂᓪᓚᑕᐅᓯᒪᔪᑦ ᐊᑑᑎᒐᑦᓴᔭᐅᑦᓱᑎᒃ, ᐃᓚᖃᕐᑎᓗᒍ ᓇᓗᓀᒃᑯᓯᕐᑐᐃᓯᐊᕐᓃᑦ ᐱᓇᓱᒍᑎᐅᔪᓂᒃ ᐊᑦᑕᓇᕐᑑᖁᓇᒋᑦ (LOTO), ᑭᖏᑦᑐᒥ ᐱᓇᓱᐊᕆᐊᖃᕐᓂᒨᓕᖓᔪᑦ, ᓄᓐᓄᑭᑦᑐᒧᓪᓗ ᐃᑎᕆᐊᖃᕐᕖᑦ.
• ᐊᑦᑕᓇᕐᑐᒨᕐᑎᓯᑌᓕᒍᑎᓂᒃ ᑲᒪᒋᔭᙯᓐᓇᓯᐊᕐᓗᓂ ᐃᑲᔪᕐᓯᒪᓗᓂᓗ ᐱᓇᓱᐊᕐᕕᐅᔪᖅ ᐊᑦᑕᓇᑐᕈᖁᖕᖏᓗᒍ.
• ᐊᑐᑦᓯᐊᖃᑦᑕᓗᓂ ᐊᓐᓄᕌᓂᒃ ᐊᑦᑕᓇᕐᑐᒦᒋᒃᑯᑎᓐᓂᒃ (PPE) ᓴᓇᕐᕈᑎᓂᓪᓗ ᐱᓇᓲᑎᓂᒃ.

ᑎᒥᒥᒍᑦ ᐱᒍᓐᓇᓂᕆᒋᐊᓕᖏᑦ ᐱᓇᓱᐊᕐᓂᐅᓗ ᖃᓄᐃᑦᑑᓂᖏᑦ

• ᐱᓇᓱᒍᓐᓇᕆᐊᓕᒃ ᓯᓚᒥ ᐊᓯᑦᔨᑲᑦᑕᕖᖕᖓᕈᓐᓇᑐᒥ ᓯᓚᕐᓂᓘᒐᓗᐊᒥᓗ
• ᑎᒥᒥᒍᑦ ᐱᒍᓐᓇᓯᐊᕐᑑᓗᓂ, ᐅᑯᐊ ᐃᓚᒋᔭᐅᑎᓪᓗᒋᑦ:
• ᑭᕝᕓᒍᓐᓇᓗᓂ ᓅᑦᓯᒍᓐᓇᓗᓂᓗᓐᓃᑦ 27.2 kg-ᓂᒃ ᐅᖁᒣᓐᓂᓕᓐᓂᒃ (60 ᐅᖁᒣᓐᓂᑐᐃᓐᓀᑦ)
• ᐱᓇᓱᐊᕈᓐᓇᓗᓂ ᑭᖏᑦᑐᒥ (300-ᑲᓵᓄᑦ ᐃᑎᒐᓪᓗᐊᓄᑦ ᐳᕐᑐᓂᓕᒻᒥ), ᐃᓚᒋᔭᐅᑎᓪᓗᒋᑦ ᑫᕙᑦᑐᐊᓗᐃᑦ ᐊᐅᓚᔪᖃᐅᑎᖓᑕ ᐃᓗᐊᓃᒍᓐᓇᓂᖅ ᐱᑐᑦᓯᒪᕕᖓᓂᓗ
• ᐊᓄᓯᒪᖃᑦᑕᓗᓂ
• ᓄᓐᓄᑭᑦᑐᒥ ᐱᓇᓱᐊᕈᓐᓇᓗᓂ
• ᐋᓐᓂᐊᓯᐅᑕᐅᒋᐊᖃᕐᑑᓗᓂ ᑎᒥᒥᒍᓪᓗ ᖃᐅᔨᓴᕐᑕᐅᓗᓂ ᐱᒍᓐᓇᓯᐊᕋᓗᐊᕐᒪᖔᑦ ᐱᓇᓱᒐᐅᓚᖓᔪᓂᒃ, ᒪᓕᓪᓗᒋᑦ ᖃᓄᐃᖕᖏᓯᐊᕐᓂᒧᑦ ᐊᑦᑕᓇᕐᑌᓕᓂᕐᒧᓗ ᒪᓕᒐᐅᑎᑕᐅᔪᑦ.

ᐊᓯᖏᑦ ᐱᔪᓐᓇᐅᑎᒋᒋᐊᓕᖏᑦ

• ᐊᖁᒍᓐᓇᐅᑎᖃᑦᓯᐊᓗᓂ (ᐳᕐᑐᓂᓕᒻᒥᒃ 5), ᐊᐅᓚᑦᓯᒍᓐᓇᕈᑕᐅᒋᐊᓕᒃ ᓄᓇᒃᑯᔫᓂᒃ ᐅᓯᑲᑦᑕᓂᕐᒧᓗ ᐱᓇᓲᑎᓂᒃ ᐱᓇᓱᐊᕈᑎᑦᓴᔭᓂᓪᓗ.
• ᐊᑐᐃᓐᓇᐅᒪᒍᓐᓇᓗᓂ ᑫᕙᓪᓚᒍᓰᑦ ᐱᓇᓱᐊᕐᕕᐅᔪᑦ ᓯᓚᑖᒍᑦ ᐱᓇᓱᒋᐊᖃᓐᓂᒧᑦ, ᐱᓇᓱᐊᕈᓰᐅᑉ ᓄᖕᖑᐊᓂ, ᕿᑲᕐᓇᐅᔪᓂ ᐅᖄᓚᕕᐅᒍᓐᓇᕋᔭᕆᐊᒥᓪᓗ ᐊᑐᐃᓐᓇᐅᓗᓂ (ᐱᓇᓱᕝᕕᒥ ᐅᖓᓯᑦᑐᒦᒐᓗᐊᕈᓂᓗ)
• ᐃᓚᐅᖃᑦᑕᓗᓂ ᖃᓄᐃᖕᖏᓯᐊᕆᐊᖃᕐᓂᒧᑦ ᐊᑦᑕᓇᕐᑐᒦᑌᓕᓂᕐᒧᑦ ᐱᓪᓗᑯᒋᐊᖃᕐᑐᓕᕆᓂᕐᒨᓕᖓᔪᓄᓪᓗ ᐃᓕᓐᓂᐊᓂᕐᓄᑦ.

ᐱᓪᓗᑯᒋᐊᓕᕐᓅᓕᖓᔪᓂᒃ ᐃᓕᓐᓂᐊᓂᖅ

ᐊᑐᓂ ᐱᓇᓱᑦᑏᑦ ᐃᓕᓐᓂᐊᑎᑕᐅᓂᖃᖃᑦᑕᓚᖓᔪᑦ, ᐅᑯᐊ ᐃᓚᐅᒻᒥᑎᓪᓗᒋᑦ:

• ᐱᕙᓪᓕᐊᒐᐅᒐᕐᑐᒥᒃ ᐱᓇᓱᐊᕐᕕᒥ ᐃᓕᓐᓂᐊᖃᑦᑕᓗᑎᒃ
• ᐃᓕᓐᓂᐊᓃᑦ (ᐃᓚᖓᓂ ᖃᓪᓗᓈᑦ ᓄᓇᖓᓐᓂᖃᑦᑕᓂᐊᕐᑐᑦ) ᐃᓕᑦᓯᔭᐅᒐᓱᐊᕐᑎᓗᒋᑦ ᐊᐅᓚᑦᓯᒍᓯᕐᓅᓕᖓᔪᑦ ᖃᐅᔨᒪᔭᐅᒋᐊᓖᓪᓗ
• ᐱᓪᓗᑯᒋᐊᓕᓐᓂᒃ ᐃᓕᓐᓂᐊᑎᑕᐅᖃᑦᑕᓚᖓᔪᑦ ᐊᓄᕆᒧᑦ ᑫᕙᑐᓕᐅᕐᑎᓄᑦ (Enercon).

ᐃᓕᓐᓂᐊᓃᑦ ᐊᑯᓂᕐᑎᒋᓂᖓ ᐃᓗᓕᖏᓪᓗ ᐋᕐᕿᒋᐊᕐᑕᐅᓂᖃᖃᑦᑕᓚᖓᔪᑦ ᐃᑉᐱᒋᓗᒋᑦ ᐊᑐᓂ ᐃᓕᓐᓂᐊᑐᐃᑦ ᐱᓕᓂᐅᓕᕐᓂᖓ ᐱᒍᓐᓇᓯᓯᒪᓂᖓᓗ.  ᐃᓕᓐᓂᐊᓂᕐᒨᑦ ᑮᓇᐅᔭᕐᑑᑎᓕᒫᑦ – ᐃᓚᖃᕐᓗᑎᒃ ᐊᐅᓪᓚᑲᑦᑕᕆᐊᖃᕐᓂᒥᒃ, ᓯᓂᑦᑕᐅᑎᖃᕐᓂᒥᒃ ᐊᓯᖏᓐᓂᓗ ᑮᓇᐅᔭᕐᑑᑎᒋᐊᓪᓚᓂᒃ – ᑕᒪᕐᒥᒃ ᐊᑭᓕᕐᑕᐅᔪᑦ ᑕᕐᖁᑎᒃᑯᓄᑦ.

ᐃᓕᓐᓂᐊᓯᒪᒋᐊᖃᕐᓂᖓ

• ᐳᕐᑐᓂᕐᓴᒥ ᐱᔭᕇᕈᓯᕐᓯᒪᓗᓂ ᐊᑦᔨᐸᓱᖓᓂᓪᓘᓃᑦ ᐱᓕᓂᐅᓂᖃᕐᓗᓂ.
• ᐱᓪᓗᑯᒋᐊᓕᓐᓂᒃ ᐃᓕᓐᓂᐊᓯᒪᓗᓂ (DEP ᐊᑦᔨᐸᓱᖓᓘᓐᓃᑦ) ᓴᓇᔨᐅᓂᕐᒧᑦ, ᐊᐅᓚᔪᓕᕆᔨᐅᓂᕐᒧᑦ, ᐃᑯᒪᓕᕆᔨᐅᓂᕐᒧᑦ, ᐃᑯᒪᓕᐅᕈᑎᓂᒃ ᐊᐅᓚᔪᓕᕆᔨᐅᓂᕐᒧᑦ ᐅᕝᕙᓗᓐᓃᑦ ᐱᓇᓱᐊᖃᑕᐅᖃᑦᑕᓯᒪᓂᖅ ᑕᒪᒃᑯᓇᓂ ᐃᑲᔪᕐᓯᒪᒐᔭᕐᑐᖁᑕᐅᔪᖅ
• ᓯᑯᑦᓴᔭᖁᑎᖃᕐᓗᓂ ᐊᐅᓚᑦᓯᒍᓐᓇᐅᑎᖃᕐᓗᓂᓗᓐᓃᑦ ᐱᓇᓱᐊᕈᑎᒻᒪᕆᓐᓂᒃ ᓄᓇᒃᑯᔪᒻᒪᕆᓐᓂᒃ (ᐃᑲᔪᕐᓯᒪᒐᔭᕐᑐᖅ)

ᐱᓇᓱᐊᓕᓂᐅᓂᖓ ᖃᐅᔨᒪᑎᒋᓂᖓᓗ

• ᐱᓇᓱᐊᓕᓂᐅᓗᓂ ᐊᑦᓱᕈᒋᐊᓕᓐᓂ, ᐃᑯᒪᓕᕆᐅᑎᓂ, ᐱᐅᒃᑯᑏᑦ ᐱᓇᓱᐊᕐᕕᐅᔪᓪᓗ ᓴᓇᔭᐅᓂᖓᓐᓂ ᐅᕝᕙᓗᓐᓃᑦ ᐃᑉᐱᒋᑦᓯᐊᕆᐊᓕᓐᓂ ᐊᑦᑕᓇᕐᑐᒦᑦᑌᓕᒍᑎᑕᓕᓐᓂ.
• ᐅᓇᒻᒥᒋᔭᖃᕐᓗᓂ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ ᐊᓯᑦᔨᐸᓪᓕᐊᓂᕐᓅᓕᖓᔪᓂᓪᓗ
• ᐅᓇᒻᒥᒋᔭᖃᕐᓗᓂ ᐱᓪᓗᑯᒋᐊᓕᑦᑎᒍᑦ ᐱᓇᓱᐊᕈᑕᐅᔪᓂᒃ ᐱᐅᒃᑯᑎᒻᒪᕆᓐᓂᓗ ᐊᐅᓚᑦᓯᔨᐅᓂᕐᒥᒃ
• ᓴᓇᕐᕈᑎᑐᐃᓐᓇᓂᒃ ᐊᑐᕈᓐᓇᓯᐊᕐᓗᓂ
• ᑐᑭᓯᒪᓗᓂ ᐱᓇᓱᐊᕐᕕᐅᑉ ᐊᑦᑕᓇᕐᑐᒦᑦᑌᓕᒍᓯᖏᓐᓂᒃ
• ᖃᕆᑕᐅᔭᓕᕆᒍᓐᓇᓗᓂ

ᐱᒍᓐᓇᓯᓯᒪᐅᑎᒋᒋᐊᓕᖏᑦ

• ᐱᓇᓱᐊᖃᑕᐅᒍᓐᓇᓯᐊᕐᓗᓂ ᐃᓅᖃᑎᖃᕈᓐᓇᓯᐊᕐᓗᓂᓗ
• ᐃᒻᒥᓂᕿᒍᓐᓇᓗᓂ ᖃᐅᔨᒪᒐᓱᐊᕈᓐᓇᓯᐊᕐᓗᓂᓗ
• ᐃᑉᐱᒍᓱᑦᓯᐊᑑᓗᓂ
• ᐊᑦᑕᓇᕐᑐᒦᑦᑌᓕᒋᐊᖃᕐᓂᒥᒃ ᐃᓱᒪᖃᑦᓯᐊᓗᓂ
• ᕿᒥᕐᕈᕈᓐᓇᓯᐊᕐᑑᓗᓂ ᐃᑉᐱᒋᔭᐅᒋᐊᓕᓐᓂᒃ
• ᒪᕐᕉᓂᒃ (2) ᐅᖃᐅᓯᖃᕐᓗᓂ ᑐᑭᓯᒪᔭᐅᒍᑎᒋᑦᓯᐊᕈᓐᓇᓗᒋᒃ ᐅᑯᐊ ᓇᓪᓕᐊᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓪᓘᓃᑦ

ᐱᓇᓱᒐᕐᒨᓕᖓᔪᑦ

• ᑮᓇᑦᔭᓴᑦᓯᐊᑐᑦ ᓇᑯᕐᒦᑕᐅᒍᑏᓪᓗ
• ᐃᓇᖏᕐᑕᐅᑎᒋᑦᑐᖅ
• ᐊᑐᐃᓐᓇᐅᒪᒋᐊᖃᕐᓂᒧᑦ ᐅᖄᓚᕕᐅᓂᕐᒧᓗ ᑮᓇᐅᑦᔭᕆᐊᓪᓚᖃᑦᑕᓗᓂ
• ᐱᓇᓱᐊᕐᓇᐅᑉ ᑫᕙᓪᓚᒍᓯᖏᑦᑕ ᓯᓚᑖᓄᓕᖓᔪᓂᒃ ᐊᑭᓕᕐᑕᐅᖃᑦᑕᓗᓂ
• ᐅᑭᐅᕐᑕᑐᒥᐅᖑᓂᕐᒧᑦ ᐱᕙᓪᓕᖁᑎᑖᕐᑕᓗᓂ
• ᕿᑲᕈᓐᓇᕕᖃᕐᓗᓂ, ᐅᓪᓗᐃᑦ ᕿᑲᕐᓇᐅᑎᑌᑦ, ᕿᑲᕆᐊᓪᓚᓂᕐᓗ ᓇᓪᓕᐅᓂᕐᓯᐅᓇᐅᓕᕐᐸᑦ
• ᐱᓇᓱᐊᖃᑎᒌᑦᑐᑦ ᐃᒻᒪᖃᐅᑎᖃᕐᑎᑕᐅᒍᑎᖏᑦ (ᑭᒍᑎᓕᕆᔭᐅᒍᑏᑦ ᐃᔨᓕᕆᔭᐅᒍᑏᑦ) ᐱᑕᖃᕐᑎᑕᐅᔪᑦ ᐱᓇᓱᑦᑎᑖᓄᑦ ᐊᑭᓕᕐᑐᑕᐅᑦᓱᑎᒃ ᐱᓇᓱᑦᑎᓯᔪᒧᑦ.
• ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒐᕐᒥᒃ ᓄᕐᖃᕋᔭᕐᓂᒨᓕᖓᔪᓂᒃ ᑐᓄᕚᔦᓂᖅ
• ᐱᕙᓪᓕᖁᑎᒋᐊᓪᓓᑦ: ᐊᓐᓄᕌᑦ ᐱᓇᓱᒍᑏᑦ, ᐊᑦᑕᓇᕐᑐᒦᒌᒃᑯᑏᑦ ᐱᐅᒃᑯᑏᑦ, PPE (ᐊᑦᑕᓇᕐᑐᒦᒃᑌᓕᒍᑏᑦ ᐊᓐᓄᕌᑦ), ᓴᓇᕐᕈᑏᑦ ᐊᓯᖏᓪᓗ.
• ᐃᓕᓐᓂᐊᑎᑕᐅᓂᖓ ᐊᑭᓕᕐᑐᑕᐅᑦᓯᐊᑐᖅ (ᐊᐅᓚᒍᑏᑦ, ᓯᓂᑦᑕᐅᑏᑦ, ᐊᓯᖏᓪᓗ)

ᑕᒪᒃᑯᓂᖓᓕᒫᖅ ᐱᒍᓐᓇᓂᐅᒋᐊᓕᓐᓂᒃ ᐱᑕᖃᖕᖏᓚᑎᑦ?

ᐱᒍᓐᓇᓯᓯᒪᐅᑎᑎᑦ ᐱᓇᓱᓕᓂᐅᓂᑎᓪᓗ ᐃᓱᒪᒋᔭᐅᑦᓯᐊᕈᓐᓇᑐᓱᓕ – ᐱᓇᓱᒐᕐᒧᑦ ᐃᓕᒐᓱᐊᖁᔨᓪᓚᕆᒃᑯᒍᑦ!

ᐱᓇᓱᒐᕐᑕᒐᓱᐊᕈᑎᒃ

ᐅᓇᒻᒥᓱᑦᑐᑦ ᓄᐃᑦᓯᖁᔭᐅᔪᑦ ᑭᓇᐅᓂᕐᒥ ᐱᓇᓱᒐᖃᓕᓂᐅᓂᕐᒥᓗ ᐊᓪᓚᓯᒪᔪᖁᑎᖏᓐᓂᒃ ᐃᒣᓪᓗᐊᓕᕐᐸᑦ 10, 26ᒥ, 2026 ᐅᓇ ᑎᑭᓪᓗᒍ: info@tarquti.ca

ᑕᕐᖁᑎ ᓯᕗᓪᓕᐅᔨᒐᓱᐊᕐᑎᐅᔪᖅ ᐱᓇᓱᒐᖃᑦᓯᐊᑎᑦᓯᒐᓱᐊᕐᑎᐅᓱᓂᓗ ᐃᓄᓐᓂᒃ ᔦᒻᔅ ᐯ ᑯᐯᓪᓗ ᐊᖏᖃᑎᒌᓐᓂᖓᓄᑦ (JBNQA) ᐃᓚᐅᔪᓂᒃ

ᓇᑯᕐᒦᐳᒍᑦ ᐱᓇᓱᒐᕐᑖᕋᓱᐊᕐᑐᓕᒫᓂᒃ ᑖᑦᓱᒥᖓ.  ᐊᐱᕐᓲᔭᕐᑕᐅᔪᑦᓴᐅᓗᑎᒃ ᓇᓪᓕᑳᑦᑕᕕᓃᑭᓯᐊᓂ ᖃᐅᔨᑎᑕᐅᓛᕐᑐᑦ.