ᑕᕐᖁᑎ ᖁᕕᐊᓱᒻᒪᕆᑉᐳᖅ ᐅᐱᒍᓱᖃᑎᐅᒋᐊᖅ ᓴᕐᕿᑕᐅᓂᓪᓚᕆᖓᓂᒃ ᓄᑖᑉ ᓄᓇᕕᒻᒥ ᓯᓚᐅᑉ ᐊᓯᑦᔨᐸᓕᐊᓂᖓᓅᓕᖓᔫᑉ ᐃᓂᓪᓚᖓᐅᑎᐅᒍᓐᓇᕋᔭᕐᓱᓂ ᐸᕐᓇᕈᑎᓕᐊᖑᔪᒥᒃ! ᐆᒻᒪᑎᑦᑎᓂᑦ ᐱᔪᒥᒃ ᐱᔪᕆᐅᑎᖃᒻᒪᕆᑉᐳᒍᑦ ᒪᑭᕝᕕᒥᒃ ᑖᑦᓱᒥᖓ ᐊᑑᑎᓚᐅᕐᓯᒪᖕᖏᑐᒥᒃ ᐱᒍᓐᓇᓯᑎᑦᓯᓯᒪᒻᒪᑦ.
ᑖᓐᓇ ᐸᕐᓇᕈᑎᓕᐊᖑᒪᔪᖅ ᓂᕆᐅᓐᓂᖃᑦᓯᐊᓂᕐᒧᑦ ᓇᐸᕈᑕᐅᕗᖅ, ᐱᒍᓐᓇᓯᑎᑦᓯᓚᖓᑦᓱᓂ ᓄᓇᕕᒻᒥᐅᓂᒃ ᖃᓄᐃᓘᕈᓐᓇᖁᓪᓗᒋᑦ ᐊᓯᑦᔨᐸᓪᓕᐊᖕᖏᓐᓇᑐᑎᒍᑦ ᐊᕙᑎᑦᑕ ᐱᐅᓯᕆᕙᓕᕐᑕᖏᓐᓂ ᐱᐅᓕᐊᑦᓯᐊᖏᓐᓇᓗᑎᒃ ᐊᑦᔨᐅᖏᑦᑐᒪᕆᐅᒍᑎᖏᓐᓂᒃ ᐃᓄᐃᑦ ᐃᓕᕐᕈᓯᖓᑕ ᐱᕐᖁᓯᖏᑦᑕᓗ ᐃᓅᓯᕐᒥᓂ. ᑖᓐᓇ ᐱᔭᕆᔭᐅᒍᓐᓇᓯᔪᖅ ᑎᑭᐅᑎᔭᐅᒍᓐᓇᓯᔪᖅ ᐱᓇᓱᐊᖃᑎᒌᒍᑎᒻᒪᕆᐅᓯᒪᔪᑦ ᑐᑭᓯᓴᕐᓂᐅᓯᒪᔪᓪᓗ ᐱᒋᐊᕐᑕᐅᓚᐅᕐᓯᒪᑎᓪᓗᒋᑦ 2020-ᒥ, ᓄᐃᑕᑎᑦᓯᒍᑎᐅᔪᖅ ᓴᐱᓕᓚᐅᕐᓯᒪᖏᓂᒃᑯᑦ ᐊᔪᐃᓐᓇᓂᖓᓂᒃ ᓄᓇᕕᐅᑉ ᓄᓇᓕᖏᑦᑕ ᑎᒥᖁᑎᖏᑦᑕᓗ ᐱᓇᓱᐊᕐᕕᖏᑦᑕ.
ᑕᕐᖁᑎᒥ, ᐱᔪᕆᒻᒪᕆᐳᒍᑦ ᓂᑯᕐᕋᖃᑎᖃᕆᐊᒥᒃ ᓄᓇᕕᐅᑉ ᓄᓇᓕᖏᓐᓂᒃ ᑎᒥᖁᑎᖏᓐᓂᓗ ᐱᓇᓱᐊᕐᕕᓂᒃ ᓯᕗᒧᑦ ᐃᖏᕐᕋᖃᑎᒋᓂᐊᓕᕋᑦᑎᒋᑦ ᑖᓐᓇ ᐸᕐᓇᕈᑎᓕᐊᖑᒪᔪᖅ ᑲᔪᓯᑎᒐᓱᐊᕐᓗᒍ. ᐊᑕᐅᑦᓯᑯᑦ, ᓱᓕᓂᕃᒋᐊᓪᓚᖁᒍᑦ ᐱᓇᓱᐊᖃᑕᐅᒍᓐᓇᓂᕆᓚᖓᔭᑦᑎᓂᒃ ᓱᖑᔫᖃᑎᒌᓪᓗᑕ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᓵᖕᖓᖃᑎᐅᓚᖓᓂᑦᑎᓂᒃ ᓄᓇᕕᒻᒥ. ᐅᑉᐱᕆᔭᖃᑦᓯᐊᐳᒍᑦ ᐃᓕᒌᓐᓂᑯᑦ ᐱᓇᓱᐊᕐᓂᑎᒍᑦ, ᐊᕐᖁᓯᐅᕈᓐᓇᓯᓚᖓᒋᐊᖅ, ᐊᓯᕐᕿᓂᖃᖕᖏᑐᑎᒍᑦ ᐱᕕᑦᓴᖃᕐᑎᓯᒍᓐᓇᓚᖓᒐᑦᑕ ᖃᐅᒪᓂᕐᒪᒥᒃ ᓯᕗᓂᖃᖁᓪᓗᒋᑦ ᑭᖑᕚᕆᓂᐊᕐᑕᕗᑦ.
ᐅᐱᒍᓱᓐᓂᕋᕆᐊᓪᓚᐳᒍᑦ ᐃᓚᐅᓯᒪᔪᓕᒫᑦᓯᐊᓂᒃ ᑖᓐᓇ ᐸᕐᓇᕈᑎᓕᐊᖑᒪᔪᖅ ᐱᓇᓱᐊᕐᑕᐅᑎᓪᓗᒍ ᓄᐃᑕᐅᓚᕿᒍᓐᓇᓯᑎᑕᐅᒻᒪᑦ. ᑕᒐᓕ ᒫᓐᓇ, ᑕᑯᓐᓇᕋᓱᐊᓪᓚᕆᓕᕐᑕ ᑐᑭᓯᒪᑦᓯᐊᕋᓱᐊᕐᓗᒍ ᑲᔪᓯᑎᓂᐊᓕᕐᓗᒍᓗ 14-ᓂ ᓄᓇᓕᓕᒫᑦᓯᐊᖏᓐᓂ ᓄᓇᕕᐅᑉ.
ᑐᑭᓯᒋᐊᓪᓚᕈᒪᕖᑦ? ᒪᑭᕝᕕᐅᑉ ᖃᕆᑕᐅᔭᒃᑯᑦ ᑐᑭᓯᓂᐊᕕᐅᕕᖓᓂᒃ ᑕᑯᒋᐊᕐᕕᖃᕈᓐᓇᑐᑎᑦ
