ᕕᕗᐊᕆ 10, 2023 – ᑲᓇᑕᒥ ᐱᑦᓴᖑᕆᐊᓪᓚᒍᓐᓇᑐᓕᕆᔩᑦ ᐱᓇᓱᐊᖃᑎᐅᔪᓪᓗ ᓄᓇᓕᑐᖃᕐᓄᑦ ᐅᑭᐅᕐᑕᑐᒥᐅᓄᓪᓗ ᑲᓇᑕᒥ ᓄᓇᓖᓪᓗ ᖃᓂᖕᖏᑐᒥ ᑲᓇᑕᒥ ᓯᕗᓕᕐᑐᑦ ᓯᕗᓪᓕᐸᐅᑦᔨᒐᓱᐊᕐᓱᑎᓪᓗ ᓱᒃᑯᓇᕐᑐᓕᐅᖕᖏᑐᓂᒃ ᐃᑯᒪᖃᕈᑎᖃᕐᓂᒥᒃ, ᐊᑭᑭᓐᓂᓴᐅᓗᓂ ᓯᖁᑦᑎᑲᑕᖕᖏᓂᕐᓴᐅᓗᓂᓗ ᐃᑯᒪᓕᐅᕈᑎᐅᒐᔭᕐᑐᓂᒃ ᓱᕐᕋᑕᐅᓯᒪᔪᒻᒪᕆᐅᒐᒥᒃ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓄᑦ. ᓱᒃᑯᓇᕐᑐᓕᐅᖕᖏᑐᓂᒃ ᐃᑯᒪᓕᐅᕈᑎᖃᕐᓂᒥᒃ ᐱᓇᓱᐊᕐᓂᒥᒍᑦ ᒪᑭᑕᒐᓱᐊᕐᓂᑎᒍᑦ ᐱᕈᕐᐸᓕᐊᓂᖅ, ᓇᒻᒥᓂᕐᓗ ᐃᑯᒪᓕᐅᕈᑎᖃᕐᓂᑯᑦ ᑎᕐᑐᒥᒃ ᓴᓗᒪᔪᒥᒃ ᐱᑕᖃᕈᓐᓇᑐᒍᑦ ᓄᓇᓕᑦᑎᓂᓪᓗ ᖃᓄᐃᖕᖏᓯᐊᕐᓂᓴᐅᑎᑦᓯᓗᑕ — ᐱᓇᓱᒐᐅᒍᓐᓇᑐᓂᓪᓗ ᓄᐃᑦᓯᓗᑕ ᓄᓇᓕᓐᓂ. ᐃᓄᑐᐃᓐᓇᓅᓕᖓᔪᖅ ᐅᑭᐅᕐᑕᑐᒥᐅᓄᓪᓗ, ᓄᓇᓕᒻᒥ ᐊᑐᐃᓐᓇᐅᒪᑦᓯᐊᓂᖅ ᐃᓄᑐᐃᓐᓀᑦ ᖃᐅᔨᒪᐅᓯᖓᓂᒃ ᑐᖕᖓᕕᖃᕐᓱᓂ ᓴᓗᒪᔪᓂᒃ ᐃᑯᒪᓕᐅᕈᑎᖃᕐᓂᖅ ᑲᓇᑕᒥ ᐅᐸᑦᑕᐅᒍᐊᕐᑑᖏᑦᑐᓂᒃ ᓄᓇᖃᕐᑐᓄᑦ.
ᐅᓪᓗᒥ, ᑐᕐᖃᑕᕐᕕᒃ ᑖᓐ ᕚᓐᑖᓪ, ᐅᑭᐅᕐᑕᑐᒥᐅᓂᒃ, ᑲᓇᑕᐅᑉ ᐅᐊᓐᓂᖓᓂᒥᐅᓂᒃ ᑕᕐᕋᒥᐅᓂᓪᓗ, ᐱᒍᑦᔨᓱᓂ ᑐᕐᖃᑕᕐᕕᐅᔪᒥᒃ ᔮᓂᑕᓐ ᒍᐃᓪᑭᓐᓴᓐᒥᒃ, ᐱᑦᓴᖑᕆᐊᓪᓚᒍᓐᓇᑐᓕᕆᓂᕐᒥᒃ, ᑐᓴᕐᑎᓯᒍᑎᖃᕐᑐᖅ, ᑮᓇᐅᔭᖃᕐᑎᓯᓛᕐᓂᒥᓂᒃ $5.5 ᒥᓕᐊᓐ ᒥᑦᓯᑎᓐᓃᑐᓂᒃ ᑲᓇᑕᐅᑉ ᑲᕙᒪᖓᓂᑦ ᑕᕐᖁᑎ ᓴᓇᒍᑎᐅᓛᕐᑐᓂᒃ ᐃᑯᒪᓕᐅᕈᑎᓂᒃ ᓄᓇᕕᒻᒥ ᑯᐯᑉ ᓄᓇᖓᓂ.
ᑯᐯᑉ ᑕᕐᕋᖓᓂ, ᑕᕐᖁᑎ ᓯᕗᓕᕐᑐᖅ ᓄᓇᕕᒻᒥ ᓴᓗᒪᔪᓂᒃ ᐃᑯᒪᓕᐅᕈᑎᓕᐅᕐᓂᒥᒃ ᐱᓇᓱᐊᖃᑎᖃᕐᓱᓂ ᓄᓇᓕᓐᓂᒃ. 2022-ᖑᑎᓪᓗᒍ, ᑕᕐᖁᑎ ᐊᑎᓕᐅᖃᑎᖃᓚᐅᔪᒧᖅ ᐊᑑᑎᔭᐅᓚᐅᕐᓯᒪᖕᖏᑐᒥᒃ ᑯᐯᒻᒥ ᐃᑯᒪᓕᕆᔨᓂᒃ, ᓄᓇᓕᒻᒥᐅᓄᑦ ᓯᕗᓕᕐᑕᐅᓗᓂ ᐱᓇᓱᐊᕐᑕᐅᓂᐊᕐᑐᒥᒃ ᐃᑯᒪᓕᐅᕈᑎᖃᕐᓂᒧᑦ ᓴᓗᒪᔪᓂᒃ ᓱᒃᑯᓇᕐᑐᓕᐅᖕᖏᑐᓂᒃ ᓄᓇᕕᒻᒥ. ᑕᕐᖁᑎ ᐱᓇᓱᐊᖃᑎᖃᕐᓱᓂ ᓄᓇᓕᓐᓂᒃ ᐃᓚᐅᑎᑦᓯᔪᖅ ᐃᓘᓐᓇᖏᓐᓂᒃ ᐃᑯᒪᓕᐅᕈᑎᖃᕐᓂᒥᒃ ᓱᒃᑯᓇᕐᑐᓕᐅᖕᖏᑐᓂᒃ ᐱᓗᐊᕐᑐᒥᓪᓗ ᓄᓇᓕᓐᓂᒃ ᓄᓇᕕᒻᒥ ᓄᓇᓕᓕᒫᑎᒍᓪᓗ ᑎᒥᐅᔪᓂᒃ, ᐃᓚᐅᑎᓪᓗᒋᑦ ᓄᓇᒥᒃ ᑎᒍᒥᐊᕐᑏᑦ ᑯᐊᐯᓪᓗ.
ᑖᒃᑯᐊ ᑮᓇᐅᔭᖃᕐᑎᑕᐅᒍᑏᑦ ᑕᕐᖁᑎᒧᑦ ᐱᐅᒃᑯᑎᑖᕈᑎᐅᒍᓐᓇᓂᐊᕐᑐᑦ ᐱᒍᓐᓇᑐᓂᓪᓗ ᐱᕈᕐᑎᓯᒍᑎᐅᓗᑎᒃ ᐊᑐᓕᕐᑎᓯᒍᑎᐅᓗᑎᓪᓗ ᓄᓇᓖᑦ ᐸᕐᓇᓯᒪᔭᖏᓐᓂᒃ, ᓄᓇᓕᓕᒫᑎᒍᑦ ᐱᓇᓱᐊᑎᖃᐅᓂᐊᕐᑐᓂᒃ, ᐱᓇᓱᒐᑦᓴᓂᓪᓗ ᓄᐃᑦᓯᒍᑎᐅᓗᑎᒃ, ᖃᐅᔨᓴᕈᑎᐅᔪᓂᒃ ᐱᔭᕇᕈᑎᐅᓗᑎᒃ ᐸᕐᓇᕈᑎᓂᓪᓗ. ᓇᑯᕐᒪᑕ ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᒍᑎᖏᑦ, ᑕᕐᖁᑎ ᓄᓇᓕᓕᒫᑎᒍᑦ ᐱᓇᓱᐊᕐᓂᒥᓂᒃ ᐳᕐᑐᓯᑎᑦᓯᒋᐊᕈᓐᓇᓂᐊᓕᕐᑐᖅ ᓴᐳᒻᒥᓗᓂ ᓄᓇᓕᓐᓂᒃ ᐃᑯᒪᓕᐅᕈᑎᐅᒍᓐᓇᑐᓂᓪᓗ ᓄNᓕᓐᓂ 12-ᓂ ᐸᕐᓇᓗᓂ, ᓄᓇᓖᑦ ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᑖᕈᓐᓇᓯᖁᑦᓱᒋᑦ ᓄᓇᓕᐅᑉ ᑭᖕᖒᒪᒋᔭᖏᓐᓂᒃ ᓯᕗᓪᓕᐅᔭᐅᖁᔭᖏᓐᓂᓗ ᑐᖕᖓᕕᖃᕐᑐᓂᒃ.
ᓴᐳᒻᒥᓂᕐᒧᑦ ᓄᓇᓕᑐᖃᕐᓂᒃ, ᓄᓇᓕᐊᕈᕐᒥᐅᓂᒃ ᖃᓂᖕᖏᑐᒥᐅᓂᓪᓗ ᓄᓇᓕᓐᓂᒃ ᓄᑦᑎᐸᓪᓕᐊᖁᑦᓱᒋᑦ ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᑖᕐᓂᒧᑦ, ᑲᓇᑕᐅᑉ ᑲᕙᒪᖓ ᐱᓇᓱᐊᕐᓯᒪᒻᒥᔪᖅ ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᓕᐅᕐᓂᒥᒃ ᓄᓇᓕᑐᖃᕐᓂ, ᓄᓇᓕᐊᕈᕐᓂ ᖃᓂᖕᖏᑐᒥᐅᓂᓪᓗ ᓄᓇᖃᕐᑐᓄᑦ, ᐊᑕᐅᓯᕐᒥᒃ ᑐᑦᑕᕕᖃᕐᓗᑎᒃ ᐃᑲᔪᕐᑎᖃᕈᓐᓇᖁᓪᓗᒋᑦ ᑮᓇᐅᔭᖃᕐᑎᑕᐅᓗᑎᓪᓗ.
ᑖᒃᑯᐊ ᑮᓇᐅᔭᖃᕐᑎᓯᒍᑎᐅᔪᑦ ᐆᑦᑐᕋᐅᑎᑦᓯᐊᑦ ᑲᓇᑕᐅᑉ ᑲᕙᒪᖓᑕ ᐱᒐᓱᐊᕐᓂᖓᓂᒃ ᐃᓚᐅᕕᖃᑦᓯᐊᕋᓱᐊᕐᓂᖓᓂᒃ, ᓇᒻᒥᓂᖃᕐᕆᐊᖃᕐᓂᖏᓐᓂᒃ ᑐᑭᑖᕆᔨᐅᓗᑎᓪᓗ ᓄᓇᓕᑐᙯᑦ ᐃᑯᒪᓕᐅᕈᑎᓕᐅᕐᓂᒥᒃ ᓱᒃᑯᓇᕐᑐᖃᖕᖏᑐᓂᒃ ᓄᓇᓕᒻᒥᓂᒃ ᐱᕈᕐᐸᓕᐊᑎᑦᓯᒍᑎᒋᒍᓐᓇᑕᒥᓂᒃ, ᑕᐅᕐᓯᐅᑎᐅᓗᑎᓪᓗ ᐅᕐᓱᐊᓗᑦᑐᑐᓄᑦ ᐳᔪᕐᓗᓕᐅᕐᑐᓄᑦ ᓇᒻᒥᓂᕐᓗ ᐊᐅᓚᑦᓯᒍᓐᓇᓯᓂᕐᒥᒃ ᑎᒍᓯᒍᑎᒋᓗᓂᐅᒃ.
– 30 –
ᐅᖃᐅᓯᕆᔭᐅᔪᕕᓃᑦ
“ᓄᓇᓕᑐᙯᑦ ᓯᕗᓪᓕᐸᐅᑦᓱᑎᒃ ᐹᒍᑎᖃᕐᑐᑦ ᓯᓚᕐᔪᐊᑉ ᐅᕐᖂᓯᕙᓪᓕᐊᓂᖓᓂᒃ ᓯᕗᓕᕐᓱᑎᓪᓗ ᓯᕗᓂᕐᒥ ᓱᒃᑯᓇᕐᑐᖃᖕᖏᑐᓂᒃ ᐱᐅᒃᑯᑎᖃᕆᐊᖃᕐᓂᒥᒃ. ᑲᓇᑕᐅᑉ ᑲᕙᒪᖓᑕ ᐱᓇᓱᐊᖃᑎᐅᓂᖓ ᑕᕐᖁᑎᒃᑯᓄᑦ ᓄᐃᑕᑎᑦᓯᔪᖅ ᐱᓇᓱᐊᖃᑎᒌᓐᓃᑦ ᐊᑑᑎᖃᕈᓐᓇᓂᖏᓐᓂᒃ ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᓕᐅᕐᓂᒧᑦ ᑕᕐᕋᒥ, ᐳᔪᕐᓗᓕᐅᕐᓂᖅ ᓄᖑᑎᒋᐊᕐᓗᒍ, ᐱᓇᓱᒐᑦᓴᓂᓪᓗ ᓄᐃᑦᓯᓗᑎᒃ ᓄᓇᓕᒻᒥᓂ ᐱᒍᓐᓇᑐᓕᐅᕐᓗᑎᒃ.”
ᑐᕐᖃᑕᕐᕕᒃ ᔮᓂᑕ ᒍᐃᓪᑭᓐᓴᓐ
ᐱᑦᓴᖑᕆᐊᓪᓚᒍᓐᓇᑐᓕᕆᓂᕐᒥᒃ ᑐᕐᖃᑕᕐᕕᒥ
“ᓯᕗᓕᕐᑎᓗᒍ ᑕᕐᖁᑎ, ᐃᓄᑐᐃᓐᓀᑦ ᓯᕗᓕᕐᑐᑦ ᐃᑯᒪᓕᐅᕈᑎᑖᕐᓂᒥᒃ ᓱᒃᑯᓇᕐᑐᖃᖕᖏᑐᓂᒃ ᒪᑭᑕᒐᓱᐊᕐᓂᑎᒍᓪᓗ ᐱᕈᕐᐸᓕᐊᒍᑎᒋᑦᓱᒍ ᓄᓇᓕᒻᒥᓂᓪᓗ ᐱᕈᕐᑎᓯᒐᓱᐊᕐᓱᑎᒃ. ᑖᒃᑯᐊ ᐊᔪᐃᓐᓇᓂᖏᑦ ᖃᐅᔨᒪᐅᓯᖏᓐᓂᒃ ᓄᓇᓖᑦ ᐱᕐᖁᓯᑐᖃᕐᒥᒍᓪᓗ ᑐᖕᖓᕕᖃᕐᓱᑎᒃ, ᑕᑯᓐᓇᑐᑦ ᑐᓵᔪᓪᓗ ᓄᓇᓕᒻᒥᓃᒻᒪᑕ, ᓄᓇᓕᑐᙯᑦ ᓯᕗᓕᕈᓐᓇᓯᐊᕐᑕᖓᑦ ᖃᐅᔨᒪᐅᓯᕐᒥᓂᒃ ᐊᑐᕐᓗᑎᑦ ᓱᑯᐃᔦᒍᑎᑎᒍᓪᓗ. ᐱᓇᓱᐊᖃᑎᒌᓐᓂᑎᒍᑦ ᓵᖕᖓᓯᒐᓱᐊᕐᐳᒍᑦ ᓯᓚᐅᑉ ᐅᕐᖂᓯᕙᓪᓕᐊᓂᖓᓂᒃ.”
ᑐᕐᖃᑕᕐᕕᒃ ᑖᓐ ᕚᓐᑖᓪ
ᑕᕐᕋᒥᐅᓂᒃ, ᑲᓇᑕᐅᑉ ᐅᐊᓐᓂᖓᓂᒥᐅᓂᒃ ᐅᑭᐅᕐᑕᑐᒥᐅᓂᓪᓗ ᑐᕐᖃᑕᕐᕕᒥ
“ᒪᑭᕝᕕᒃ ᐱᓇᓱᐊᖃᑎᐅᓪᓚᕆᓐᓂᐊᑐᖅ ᐃᓄᑐᐃᓐᓇᓄᑦ ᓇᒻᒥᓂᕆᔭᐅᔪᒥᒃ ᑮᓇᐅᔭᖃᕐᑎᑕᐅᑦᓯᐊᕆᐊᖃᕐᓂᖓᓂᒃ ᐱᕈᕐᐸᓕᐊᒍᑎᑦᓴᒥᓂᒃ ᓯᕗᓕᕐᓗᑎᓪᓗ ᓄᓇᕕᒻᒥ. ᑕᕐᖁᑎᐅᑉ ᓴᕐᕿᑎᑕᐅᓂᕆᓚᐅᔭᖓ, ᐱᓇᓱᐊᖃᑎᒌᑦᑎᓗᒋᒃ ᒪᑭᕝᕕᒃ ᐃᓚᒌᓴᕐᓗ ᐆᑦᑐᕋᐅᑎᑦᓴᓯᐊᖅ ᒪᑭᑉᐸᓕᐊᑎᑦᓯᒍᑎᐅᒍᓐᓇᓱᓂ, ᐱᓇᓱᒐᑦᓴᓂᒃ ᓄᐃᑦᓯᓗᓂ ᐃᓄᑐᐃᓐᓇᓂᓪᓗ ᐊᕙᑎᒥᓂᒃ ᓴᐳᒻᒥᒍᑎᐅᓗᓂ, ᑌᒪᖕᖓᓂᐊᕐᔪᒃ ᐃᓄᑐᐃᓐᓀᑦ ᓄᓇᒥᓂᒃ ᐊᕙᑎᒥᓂᒃ ᓴᐳᒻᒥᓲᖑᒻᒪᑕ. ᑲᓇᑕᐅᑉ ᑲᕙᒪᖓᑕ ᑮᓇᐅᔭᖃᕐᑎᓯᒍᑎᖏᑦ ᑐᑭᖃᕐᑐᑦ ᑕᕐᖁᑎᐅᑉ ᓯᕗᒧᐊᒍᓐᓇᓕᕐᓂᖓᓂᒃ ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᓕᐅᕐᓂᒥᒃ ᐃᓄᑐᐃᓐᓇᓄᑦ ᐊᐅᓚᑕᐅᔪᒥᒃ ᐃᓄᑐᐃᓐᓇᓅᓕᖓᓗᓂ.ᕙ
ᐱᑕ ᐋᑕᒥ
ᐊᖓᔪᕐᖄ, ᒪᑭᕝᕕᒃ
“ᓄᓇᑦᑎᓂ ᐊᑐᐃᓐᓇᐅᓕᕐᖁᒍᑦ ᓄᓇᕕᒻᒥ ᐃᑯᒪᓕᐅᕈᑎᓕᐅᕐᓂᒃᒥ ᐃᓇᓱᐊᕐᓂᒥᒃ, ᓄᓇᓕᓐᓂ ᐱᓇᓱᐊᖃᑎᖃᕐᓂᕗᑦ ᐊᑑᑎᖃᓪᓚᕆᑦᑐᖅ ᐊᓯᑦᔨᒋᐊᑦᓯᐊᓂᕐᒥᒃ ᓄᐃᑦᓯᒍᑎᐅᑦᓱᓂ. ᓄᓇᓕᕗᑦ ᐱᓇᓱᐊᕈᒪᓪᒪᕆᒻᒪᑕ ᐊᑐᐃᓐᓇᐅᓯᐊᕐᓂᒥᒃ ᐱᒍᓐᓇᑐᖃᕐᓱᓂᓗ ᐃᓄᑐᐃᓐᓀᑦ ᖃᐅᔨᒪᐅᓯᖏᒍᑦ, ᑕᕐᖁᑎᓗ ᑕᒪᑐᒥᖓ ᐱᓇᓱᐊᕐᓂᑎᓐᓂᒃ ᐃᓱᐊᕐᖁᑎᑦᓯᐊᖑᑦᓱᓂ.”
ᒥᐊᔨ ᔪᐊᓇᓯ
ᐊᖓᔪᕐᖄᖅ, ᐃᓚᒌᓴᖅ
ᖃᐅᔨᑎᑦᓯᓵᕈᑏᑦ
- ᑕᕐᖁᑎ ᓄᓇᕕᒻᒥᐅᓄᑦ ᓇᒻᒥᓂᕆᔭᐅᔪᖅ ᓴᓗᒪᔪᓂᒃ ᐃᑯᒪᓕᐅᕈᑎᖃᕐᓂᒥᒃ ᐱᓇᓱᐊᕐᓱᓂ ᐃᓄᐃᑦ ᑭᖕᖒᒪᒋᔭᖏᑦ ᐱᒐᓱᐊᕈᒪᔭᖏᓪᓗ ᑐᖕᖓᕕᒋᑦᓱᒋᑦ. ᐱᓇᓱᐊᖃᑎᐅᓚᖓᑦᓱᓂ ᑯᐯᒻᒥ ᐃᑯᒪᓕᕆᔨᓄᑦ, ᑕᕐᖁᑎ ᓯᕗᓕᕐᑐᖅ ᓄᓇᕕᒻᒥ ᐃᑯᒪᓕᐅᕐᓂᒥᒃ ᓯᕗᓂᑦᓴᓯᐊᓕᐅᕈᑎᐅᑦᓱᓂᓗ ᓄᓇᓕᓕᒫᓄᑦ, ᐊᕙᑎᒥᒃ ᓲᓱᒋᔭᖃᑦᓯᐊᓱᓂ ᐃᓄᑐᐃᓐᓀᓗ ᐱᒻᒪᕆᐅᔪᖁᑎᖏᓐᓂᒃ.
- ᑲᓇᑕᐅᑉ ᑲᕙᒪᖓᓂᑦ ᑮᓇᐅᔭᖃᕐᑎᓯᒍᑏᑦ ᑕᒪᑐᒪ ᐱᓇᓱᐊᕐᑕᐅᓂᖓᓄᑦ ᑐᓂᔭᐅᓯᒪᔪᑦ ᐱᑦᓴᖑᕆᐊᓪᓚᒍᓐᓇᑐᓕᕆᓂᕐᒥᒃ ᐱᓇᓱᐊᕐᑐᓄᑦ (NRCan) Clean Energy for Rural and Remote Communities (CERRC) ,ᑲᓇᑕᐅᑉ ᑲᕙᒪᖓᑕ ᐱᓇᓱᐊᖃᑎᖃᕐᓂᖓ ᓄᓇᓕᑐᖃᕐᓂᒃ (CIRNAC) Northern Responsible Energy Approach for Community Heat and Energy (ᑕᕐᕋᒧᑦ ᑎᑭᐅᑎᓂᖅ) ᐱᓇᓱᐊᕐᑎᓯᒍᑏᑦ ᐊᒻᒪᓗ ᐱᖓᓱᓄᑦ ᐱᓇᓱᐊᖃᑎᒌᒍᑎᐅᔪᑦ ᐳᕐᑐᓂᕐᓴᒥ ᓄᓇᓕᓐᓂᓗ ᐱᕈᕐᑎᓯᓂᖅ (CCI) ᐱᓇᓱᐊᕐᑎᓯᒍᑏᑦ Applied Research and Development ᑮᓇᐅᔭᖃᕐᑎᓯᒍᑏᑦ, ᐊᐅᓚᑕᐅᔪᑦ ᓱᑯᐃᔦᓂᕐᒥᒃ ᓴᓇᒻᒪᓕᕆᓂᕐᒥᓗ ᖃᐅᔨᓴᕐᑎᓄᑦ ᑲᓇᑕᒥ.
- NRCan’s CERRC ᐱᓇᓱᐊᕐᑎᓯᒍᑎᖏᑦ $3.35 ᒥᓕᐊᓂᒃ ᑮᓇᐅᔭᖃᕐᑎᓯᒍᑎᐅᔪᑦ ᑕᕐᕋᒧᑦ ᑎᑭᐅᑎᓂᕐᒥᒃ ᐱᓇᓱᐊᕐᑎᓯᒍᑏᑦ $1.65 ᒥᓕᐊᓐ, ᐱᖓᓱᐃᓪᓗ ᐱᓇᓱᐊᖃᑎᒌᑦᑐᑦ ᑮᓇᐅᔭᖃᕐᑎᓯᑦᓱᑎᒃ ᖃᐅᔨᓴᕈᑎᑦᓴᓂᒃ $450,000 ᑕᒪᑐᒪ ᐱᓇᓱᐊᕐᑕᐅᓂᖓᓄᑦ.
- In April 2022 the Government of Canada announced ᓴᕐᕿᑎᑕᐅᓂᖓ ᐱᓇᓱᐊᕐᑎᓯᒍᑏᑦ ᓴᐳᒻᒥᒍᑎᑦᓴᐅᓱᑎᒃ ᑮᓇᐅᔭᖃᕐᑎᓯᓗᑎᓪᓗ ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᖃᕐᓂᒥᒃ. ᓄᑖᓄᑦ ᐱᓇᓱᒍᑎᓄᑦ ᐃᓚᐅᑎᓪᓗᒍ, ᑲᕙᒪᒃᑯᑦ ᓴᕐᕿᑎᑦᓯᓚᐅᔪᒻᒥᔪᑦ ᓄᓇᓕᑐᙯᑦ ᑲᑎᖕᖓᔨᒋᓂᐊᕐᑕᖏᓐᓂᒃ ᑕᓯᐅᕐᓯᔨᐅᓂᐊᕐᑐᓂᒃ ᐊᔪᖀᒋᐊᕐᑎᐅᓗᑎᓪᓗ ᐱᓇᓱᐊᕐᑕᐅᔪᑦᓭᑦ ᓇᓪᓕᑳᔭᐅᓂᖏᓐᓂ ᒪᓕᒐᓕᐅᕐᓂᒥᓪᓗ.
- ᓱᒃᑯᓇᕐᑐᖃᖕᖏᑐᓂᒃ ᐃᑯᒪᓕᐅᕈᑎᖃᕐᓂᖓ ᓄᓇᓕᑐᙯᑦ, ᖃᓂᖕᖏᑐᒥ ᓄᓇᖃᕐᑐᑦ ᑮᓇᐅᔭᖃᕐᑎᓯᒍᑎᐅᓲᑦ ᑲᕙᒪᒃᑯᓂᑦ ᐱᓇᓱᐊᕐᑎᓯᒍᑎᓅᓕᖓᔪᓂᒃ ᐊᒻᒪᓗ Indigenous Off-Diesel initiative (IODI) CIRNAC’s-ᑯᓪᓗ Northern Responsible Energy Approach for CommuWah-ila-toosnity Heat and Energy ᐱᓇᓱᐊᕐᑎᓯᒍᑎᖏᑦ.
- ᓴᐳᒻᒥᒍᑏᑦ ᓄᓇᓕᑐᖃᕐᓂᒃ ᓯᕗᓕᕐᑐᓂᒃ ᐱᓇᓱᐊᖃᑎᒌᑦᑐᓂᓪᓗ ᐳᔪᕐᓗᒥᒃ ᑕᕐᕋᒥ ᓄᓇᓕᓐᓂ ᓄᖑᑎᑦᓯᒐᓱᐊᕐᓂᒧᑦ ᐊᓪᓚᓄᑦ, ᐃᓄᑐᐃᓐᓇᓄᑦ ᐊᓪᓚᖓᔪᓄᓪᓗ ᓯᕗᒧᐊᑉᐸᓕᐊᒍᑎᑦᑕ ᑐᖕᖓᕕᒋᔭᖓ the reconciliation journey ᓇᒻᒥᓂᕐᓗ ᐊᐅᓚᑦᓯᒍᓐᓇᓯᓂᕐᒧᑦ.
ᐱᓇᓱᐊᕐᑕᐅᔪᓄᑦ ᐱᑐᑦᓯᒪᔪᑦ ᕿᒥᕐᕈᔭᐅᒍᓐᓇᑐᑦ
- Tarquti Energy
- Clean Energy for Rural and Remote Communities
- Northern REACHE Program
- Clean energy in Indigenous, rural and remote communities
- Fédération des coopératives du Nouveau-Québec
- Makivik Corporation
ᖃᐅᔨᒋᐊᕐᕕᐅᒍᓐᓇᑐᑦ
ᑲᓇᑕᒥ ᐱᑦᓴᖑᕆᐊᓪᓚᒍᓐᓇᑐᓕᕆᓂᖅ
Media Relations
343-292-6100
media@nrcan-rncan.gc.ca
Keean Nembhard
Press Secretary
Office of the Minister of Natural Resources
613-323-7892
keean.nembhard@NRCan-RNCan.gc.ca
Media Relations
ᑲᕙᒪᒃᑯᑦ ᐱᓇᓱᐊᖃᑎᖃᕐᓂᖓ ᑕᕐᕋᒥᐅᓂᒃ
819-934-2302
RCAANC.media.CIRNAC@sac-isc.gc.ca
Kyle Allen
Press Secretary and Communications Advisor
Office of the Honourable Dan Vandal
Minister of Northern Affairs, PrairiesCan and CanNor
kyle.allen@rcaanc-cirnac.gc.ca
ᔮᓇᓯ ᑯᔩ
ᑐᓴᕈᑎᓕᕆᓂᕐᒥᒃ ᑐᑭᒧᐊᑦᑎᓯᔨ
ᑕᕐᖁᑎ
514-707-9477
Janice.grey@tarquti.ca
ᒪᓕᒍᓐᓇᑐᓯ ᐅᕘᓇ Twitter: @NRCan (http://twitter.com/nrcan)
ᐅᖄᖃᑎᐅᒍᓐᓇᑐᓯ ᑕᕐᕋᒨᓕᖓᔪᓂᒃ:
Twitter: GovCan_NorthFacebook: GovCan – North
