Nunavik Interest Towards Clean Energy Transition Take the survey now!

ᑲᖏᕐᓱᔪᐊᖅ

ᑲᖏᕐᓱᔪᐊᖅ ᓄᓇᕕᐅᑉ ᐃᑭᕋᓴᖓᑕ ᓴᓂᐊᓃᑦᑐᖅ, 2,100 ᑭᓚᒥᑕᓄᑦ ᐅᖓᓯᓐᓂᓕᒃ ᒪᓐᑐᕆᐊᒥᑦ. ᓄᓇᓕᖓ 565-ᓂᒃ ᐃᓄᓕ ᖃᐅᔨᒪᔭᐅᒍᑎᖃᕐᓱᓂᓗ ᑕᑯᒥᓇᕐᑐᒪᕆᐊᓗᒻᒥᒃ ᓄᓇᖃᕆᐊᖓ ᐱᑦᓴᔭᕐᑕᓕᒻᒪᕆᐅᑦᓱᓂ ᓄᓇᖓ. ᑕᒪᓐᓇ ᓄᓇ ᐅᔭᕋᓐᓂᐊᕕᐅᑲᓪᓛᖃᑦᑕᓯᒪᓕᕐᑐᖅ 1950-ᒥᓂᑦ.

ᐊᓄᕆᒥᒃ ᓇᐅᑦᓯᑑᑎᒃ ᓇᐸᔪᐊᓗᒃ ᑕᕐᖁᑎᒧᑦ ᓇᑉᐸᑕᐅᓚᐅᔪᑎᓪᓗᒍ 2021-ᒥ, ᑲᖏᕐᓱᔪᐊᖅ ᓄᐊᑦᓯᒍᓐᓇᓯᓯᒪᓕᕐᑐᖅ ᐃᓗᐃᑦᑐᓂᒃ ᖃᐅᔨᒪᒍᑎᑦᓴᐅᔪᓂᒃ ᖃᓄᓪᓗᐊᑎᒌᒃ ᐊᓄᕆᑎᒋᓲᖑᒻᒪᖔᑦ ᓇᑭᖕᖔᓱᖑᒻᒪᖔᓪᓗ, ᓯᕿᓂᐅᓪᓗ ᓲᖑᓂᖓᓂ, ᐅᕐᖁᓂᕐᒥᓗ ᐊᓯᖏᓐᓂᓗ ᖃᐅᔨᓯᒪᓕᕐᓱᓂ. ᑕᒡᒐᓂ ᐊᕐᕌᒍᒥ, ᓄᓇᓕᖓ ᐱᓇᓱᐊᕈᑎᖃᕙᓪᓕᐊᓂᐊᓕᕐᑐᖅ ᑕᒪᒃᑯᓂᖓ ᐸᕐᓇᓯᓗᓂᓗ ᖃᓄᓪᓗᐊᑎᒌᒃ ᐊᑑᑦᓯᐊᕈᓐᓇᕋᔭᕐᒪᖔᑦ ᓯᕿᓂᕐᒧᑦ ᐊᓄᕆᒧᓪᓗ ᐃᑯᒪᓕᐅᕈᓐᓇᓂᖓ. ᑕᕐᖁᑎ ᐱᓇᓱᐊᖃᑎᖃᕐᓗᓂ ᑯᐊᐸᒥᒃ ᓄᓇᒥᒃ ᑎᒍᒥᐊᕐᑎᑯᓐᓂᓗ ᐱᓇᓱᐊᖃᑎᖃᕐᐸᓕᐊᓚᖓᔪᖅ ᓄᓇᓕᐅᑉ ᐱᓇᓱᐊᕐᕕᖏᓐᓂᒃ ᓄᐃᑎᕆᖃᑎᒋᓗᒋᑦ ᓄᓇᓕᒻᒥ ᐃᑯᒪᓕᐅᕐᓂᒧᑦ ᐸᕐᓇᓯᒪᐅᑎᒥᒃ ᐊᒻᒪᓗ ᐃᑯᒪᓕᐅᕐᓂᒥᒃ ᐱᓇᓱᐊᒐᖃᕐᓂᐊᑐᓂᒃ ᓄᐃᑎᕆᓗᑎᒃ ᐱᕙᓪᓕᐊᑎᑦᓯᔨᐅᒐᔭᕐᑐᓂᒃ ᓄᑕᐅᓯᓕᑎᕈᓐᓇᑐᕐᑎᒍᑦ ᐃᑯᒪᓕᐅᕈᑎᐅᒍᓐᓇᑐᓂᒃ ᐱᓇᓱᐊᕋᕐᓂᒃ.

ᐅᓇᒻᒥᓱᒍᕕᑦ ᐃᓕᑦᓯᓕᐅᒥᒍᒪᒍᕕᓪᓗ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒥᒃ ᐃᓚᐅᒍᒪᒍᕕᓪᓘᓃᑦ ᑲᖏᕐᓱᔪᐊᑉ ᐃᑯᒪᓕᐅᕐᓂᒥᒃ ᐊᓯᑦᔨᑎᕆᕙᓪᓕᐊᒍᒪᓂᖓᓄᑦ, ᖃᐅᔨᒋᐊᕐᕕᖃᕆᑦ ᐅᕙᑦᑎᓂᒃ ᐅᕙᓂ kangiqsujuaq@tarquti.ca