Nunavik Interest Towards Clean Energy Transition Take the survey now!

ᑕᓯᐅᖃᑎᖃᕐᓂᖅ
ᓄᓇᓕᐅᑉ
ᐱᓇᓱᐊᕐᕕᖏᓐᓂᒃ

ᑕᕐᖁᑎ ᓄᐃᓯᒪᕗᖅ ᐱᓇᓱᐊᖃᑎᒌᓐᓂᖓᒍᑦ ᒪᑭᕝᕕᐅᑉ ᐃᓚᒌᓴᐅᓪᓗ. ᓯᕗᓂᖃᕐᑐᒍᑦ ᐊᐅᓚᑦ ᔮᓚᑎᑦᓯᒐᓱᐊᕐᓂᒥᒃ ᓄᓇᓖᑦ ᐱᒍᓐᓇᓯᒍᑎᑦᓴᖏᓐᓂᒃ ᓄᓇᕕᒻᒥ ᐃᑯᒪᓕᐅᕐᓂᖅ ᐊᓯᑦᔨᕙᓪᓕᐊᖁᓕᕐᓱᒍ, ᐃᓅᓯᕐᒧᐊᖓᔪᑦ ᑮᓇᐅᔭᑎᒍᓕᖓᔪᓪᓗ ᐱᑕᙯᓐᓇᑎᒐᓱᐊᕐᓗᒋᑦ ᐱᕙᓪᓕᕈᑎᑦᓴᖏᑦ ᓄᓇᕕᐅᑉ.

ᐊᑎᐅᑉ ᑐᑭᖓ

ᖃᓄᖅ ᑕᕐᖁᑎ ᑐᑭᖃᕐᐸ?

ᐃᓄᑦᑎᑐᕐᓱᓂ, ᑕᕐᖁᑎ ᖁᓪᓕᐅᑉ ᐃᑯᐊᓚᖓᓂᒃ ᐊᐅᓚᑦᓯᒍᑎᐅᕗᖅ, ᑑᒐᕕᓂᐅᒍᓐᓇᑐᖅ ᓇᑦᔪᕕᓂᐅᓗᓂᓗᓐᓃᑦ. ᖁᓪᓕᖅᐃᓕᕐᕈᓯᖓᓂᒃ ᐃᓄᐃᑦ ᓄᐃᑕᑎᑦᓯᒍᑎᓪᓚᕆᐅᕗᖅ ᐃᓅᒍᑕᐅᖃᑦᑕᓯᒪᒐᒥ . ᐅᓪᓗᒥᓕ ᑲᑎᒪᓂᒻᒪᕆᐅᔪᓂ ᐃᑭᑕᐅᕙᓕᕐᑐᖅ ᐃᑕᑎᑦᓯᒍᑎᐅᑦᓱᓂ ᐊᑑᑎᕕᓂᕐᒥᓂᒃ.

ᑖᓐᓇ ᖁᓪᓕᒨᓕᖓᔪᒥᒃ ᐅᖃᐅᓯᕐᒥᒃ ᐊᑐᕐᓂᖅ ᓇᒻᒪᓈᑦᓯᐊᑐᖅ ᓄᐃᑕᑎᑦᓯᒍᑎᐅᑦᓱᓂ ᑕᕐᖁᑎᐅᑉ ᐱᓇᓱᐊᕐᓯᒪᓕᕐᑕᖏᓐᓂᒃ ᑌᒪᖕᖓᓂᑦ ᐱᓇᓱᐊᖃᑎᒌᑦᑑᓄᑦ ᓄᐃᑕᐅᓕᓚᐅᔪᑦᓱᓂ. ᖁᓪᓕᖅ ᓄᐃᑕᑎᑦᓯᔪᖅ ᓄᓇᓕᓐᓂᒃ, ᐃᑯᐊᓚᖓ ᓄᐃᑕᑎᑦᓯᔪᖅ ᐃᑯᒪᓕᐅᕐᓂᒥᒃ , ᑕᕐᖁᑎᓪᓗ ᓴᓇᕐᕈᑎᐅᑎᓪᓗᒍ ᐃᑯᐊᓚᒥᒃ ᖃᒥᑦᑎᓯᑦᑌᓕᒍᑎᐅᑦᓱᓂ.

ᑭᓇᒃᑰᕕᑖ?

ᓯᕗᓪᓕᐸᐅᕗᒍᑦ ᓄᓇᕕᒻᒥᐅᓄᓪᓗ ᓇᒻᒥᓂᕆᔭᑑᑦᓱᑕ ᐱᕙᓪᓕᐊᑎᑦᓯᔨᐅᑦᓱᑕ ᓄᑕᐅᓯᓕᑎᕈᓐᓇᑐᑎᒍᑦ
ᐃᑯᒪᐅᑎᓕᐅᕐᓂᒥᒃ ᐊᐅᓚᑦᓯᓱᑕ.

ᓴᓇᕐᕈᑎᒋᔭᐅᕗᒍᑦ ᓄᓇᕕᐅᑉ ᓄᓇᓕᖏᓐᓄᑦ ᐱᕙᓪᓕᐊᑎᑦᓯᒐᓱᐊᕐᓱᑕ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᐅᑎᓕᐅᕐᓂᒥᒃ ᐱᓇᓱᐊᕐᓂᐅᔪᓂᒃ ᐅᕐᓱᐊᓗᑦᑐᑐᓂᒃ ᐊᑐᖕᖏᓂᕐᓴᐅᖁᓪᓗᒋᑦ.

ᑕᕐᖁᑎᐅᑉ ᓄᓇᓕᓐᓂᒃ ᐱᓇᓱᐊᖃᑎᖃᕐᓂᖓ ᑐᕌᕋᖃᕐᑐᖅ ᐱᒍᓐᓇᓯᑎᑦᓯᒐᓱᐊᕐᓂᒥᒃ ᓄᓇᓕᐅᑉ ᐱᓇᐅᓱᐊᕐᕕᖏᓐᓂᒃ, ᐃᓚᐅᑎᓪᓗᒋᑦ ᓄᓇᒥᒃ ᑎᒍᒥᐊᕐᑏᑦ ᑯᐊᐯᓪᓗ, ᐊᐅᓚᑦᔭᕆᐊᕈᓐᓇᖁᓪᓗᒋᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᑕ ᒥᑦᓵᓄᑦ, ᐃᓱᒪᒋᔭᖏᑦ, ᐅᓇᒻᒥᒋᔭᖏᑦ ᐊᓐᓂᓇᕐᑐᖁᑎᖏᓪᓗ ᐃᓚᐅᒍᓐᓇᑎᑕᐅᑦᓯᐊᖁᒧᑦ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᓕᐅᕐᓂᒧᑦ ᐱᓇᓱᐊᕐᑕᐅᔪᓄᑦ.

ᐃᓚᒋᔭᐅᑦᓯᐊᒪᕆᑉᐳᒍᑦ ᐱᓇᓱᐊᖃᑎᐅᑦᓱᑕ ᑯᐯᒃ ᐃᑯᒪᐅᑎᓕᕆᔨᒃᑯᖏᓐᓄᑦ.

2022-ᖑᑎᓪᓗᒍ ᐊᑎᓕᐅᖃᑎᖃᓚᐅᔪᕗᒍᑦ ᑎᒥᖁᑎᒻᒪᕆᖓᓂᒃ ᑯᐯᒃ ᐃᑯᒪᐅᑎᓕᕆᔨᒃᑯᖏᓐᓂᒃ ᐱᓇᓱᐊᖃᑎᒋᓂᐊᓕᕐᓱᒋᑦ ᓯᕗᒧᐊᕐᑎᓯᒐᓱᐊᕐᓂᒥᒃ ᓄᓇᓕᓐᓄᑦ ᓇᒻᒥᓂᕆᔭᐅᔪᓂᒃ ᓯᕗᓕᕐᑕᐅᔪᓂᓪᓗ ᓄᑕᐅᓯᓕᑎᕈᓐᓇᑐᑎᒍᑦ ᐃᑯᒪᐅᑎᓕᐅᕐᓂᒧᑦ ᐱᓇᓱᐊᕐᑕᐅᔪᓂᒃ ᓄᓇᕕᒻᒥ. ᓯᕗᓂᖃᕐᐳᒍᑦ ᐊᓯᑖᕆᒍᒪᓂᕐᒥᒃ ᐃᑯᒪᐅᑎᓕᐅᕈᑎᐅᕙᑦᑐᓂᒃ ᐅᕐᓱᐊᓗᑦᑐᑐᑦ ᐊᐅᓚᔪᐃᑦ ᐊᑐᕐᓱᒋᑦ ᓄᓇᕕᒃ ᐱᑐᑦᓯᒪᖕᖏᓂᑯᖓᓄᑦ ᐃᑯᒪᐅᑎᓕᐅᕈᑎᓄᑦ.

ᓴᐳᑦᔨᓯᒪᔭᐅᑦᓯᐊᓯᒪᕗᒍᑦ ᑯᐯᒻᒧᑦ ᑲᓇᑕᒧᓪᓗ

ᐊᕐᕋᒎᕋᑕᕐᑐᓂ, ᐊᑕᐅᓯᖕᖑᑎᑦᓯᓯᒪᓕᕐᖁᒍᑦ ᐊᖏᔪᑲᓪᓚᓂᒃ ᑮᓇᐅᔭᕐᑕᓰᒍᑎᐅᔪᓂᒃ ᐱᓇᓱᐊᖃᑎᒌᓐᓂᐅᔪᓂᓪᓗ, ᐃᓚᖃᕐᑎᓗᒋᑦ $8 ᒥᓕᐊᓂᒃ ᐱᓯᒪᔪᓂᒃ ᑮᓇᐅᔭᓕᐅᕐᓂᒧᑦ ᓄᑖᓂᓪᓗ ᓄᐃᑎᕆᓂᕐᒧᑦ ᑐᕐᖃᑕᕐᕕᖓᓂᑦ ᐊᒻᒪᓗ ᐊᕙᑎᓕᕆᓂᕐᒧᑦ, ᓯᓚᐅᓪᓗ ᐊᓯᑦᔨᐸᓕᐊᓂᖓᓄᑦ.

ᑕᕐᕋᓕᔭᕋᖅ (ᐊᐅᓚᔫᖅ)

2018-ᖑᓕᕐᓂᒪᓂᑦ ᐊᐅᓚᑦᔭᕈᑎᐅᓯᒪᔪᑦ

ᐃᑯᒪᓕᐅᕐᓂᐅᑉ ᐊᓯᑦᔨᔭᐅᕙᓕᐊᓂᖓ ᐊᑑᑎᒋᐊᖃᓪᓚᕆᑉᐳᖅ ᓯᕗᓂᑦᓴᓯᐊᖑᓂᕐᓴᒥᒃ ᓄᐃᑦᓯᒍᑎᐅᖁᓪᓗᒍ ᓄᓇᕕᒻᒥ. ᐊᔪᐃᓐᓇᖁᒍᑦ ᐊᓐᓂᓇᕐᑐᓂᒃ ᓄᐃᑎᕆᒐᓱᐊᕆᐊᖅ ᑭᖑᕙᑦᓴᖏᑦ ᓄᓇᕕᐅᑉ ᐱᕙᓪᓕᖁᓪᓗᒋᑦ, ᓄᓇᓖᑦ ᓯᕗᓕᕐᑎᓗᒋᑦ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᓂᒃ ᓄᐃᑎᕆᓗᑎᒃ.

ᐱᓇᓱᐊᕐᑎᕗᑦ

ᐱᓇᓱᐊᖃᑎᒌᑦᑐᑦ

ᐱᓇᓱᐊᕐᑎᕗᑦ ᐱᓇᓱᐊᕐᑎᕗᑦ ᓄᓇᓕᒻᒥᐅᑦ ᕿᓚᓈᕐᓂᓖᑦ ᐃᓚᐅᒍᒪᓂᕐᒥᒃ ᐸᐅᕐᒥᒃ ᐳᔪᖃᖕᖏᓂᕐᓴᒥᒃ ᐃᑯᒪᓕᐅᕈᑎᖃᕈᒪᒧᑦ, ᐊᒻᒪᓗ ᐱᒍᓐᓇᐅᑎᓕᒻᒪᕆᓐᓂᒃ ᐊᕐᕌᒍᓂ ᐊᒥᓱᓂ ᐱᓇᓱᐊᕐᓯᒪᓕᕐᑐᓂᒃ. ᐊᑕᐅᑦᓯᑯᑦ ᐱᓇᓱᐊᖃᑎᒌᑦᓱᑕ, ᐊᔪᐃᓐᓇᐅᔨᕗᒍᑦ ᓄᐃᑦᓯᒍᒪᓂᕐᒥᒃ ᓄᑕᐅᓯᓕᑎᕈᓐᓇᑐᒥᒃ ᐃᑯᒪᓕᐅᕈᓯᕐᓂᒃ ᐃᑯᓪᓚᐅᒥᖁᔨᒧᑦ ᐳᔪᓗᑲᕐᓂᒃ ᓄᓇᕕᒻᒥ.

tarquti_joe-lance.jpg

Joë Lance

Director General

Andy Pirti

Commercial Affairs and Finances director
tarquti_justin_bulota.jpg

Justin Bulota

Project Development Director
tarquti_b_martineau_web.jpg

Benoit Martineau

Renewable Energy Project Manager
every-day-EARTH-DAY-all-individuals.jpg

Adam Gardner

ENVIRONMENT, RESEARCH AND PROJECT SUPPORT COORDINATOR
Daniel-Oovaut

ᑖᓂᐊᓕ ᐅᕝᕙᐅᑦ

ᓄᓇᓕᓐᓂ ᐃᑯᒪᓕᐅᕐᓂᒧᑦ ᓴᐳᒻᒥᔩᑦ (ᖁᐊᕐᑕᖅ)
Eugene-Putugu

ᔫᑏᓐ ᐳᑐᒍ

ᓄᓇᓕᓐᓂ ᐃᑯᒪᓕᐅᕐᓂᒧᑦ ᓴᐳᒻᒥᔩᑦ (ᖁᐊᕐᑕᖅ)
johnny-edited

ᔮᓂ ᓇᓴᒃ

ᓄᓇᓕᓐᓂ ᐃᑯᒪᓕᐅᕐᓂᒧᑦ ᓴᐳᒻᒥᔩᑦ (ᖁᐊᕐᑕᖅ)

Board of directors

ᐱᒋᐊᕐᑎᐸᓪᓕᐊᓯᒪᔭᕗᑦ

ᑲᑦᓱᙰᑦᑑᒍᑎᖃᕋᑦᑕ ᐃᓱᒪᑦᑎᒍᑦ ᓄᓇᓕᓐᓂᒃ ᐱᒍᓐᓇᓯᑎᑦᓯᒍᒪᓂᕐᒥᒃ ᓇᒻᒥᓂᖃᓪᓚᕆᖁᑦᓱᒋᑦ ᓯᕗᒧᐊᕐᑎᓯᔨᐅᓗᑎᓪᓗ ᓯᕗᓂᕐᒥ ᐃᑯᒪᓕᐅᕐᓂᒥᒃ. ᐊᒥᓱᒐᓓᑦ ᐱᒋᐊᕐᑎᓯᒪᔭᕗᑦ ᐃᓚᐅᓚᕿᖁᔨᒧᑦ ᓄᓇᓕᓐᓂᒃ ᐃᑯᒪᓕᐅᕐᓂᐅᑉ ᐊᑦᓯᔨᕙᓪᐊᒋᐊᖃᕐᓂᖓᓅᓕᖓᔪᓂ ᐊᑦᔨᒌᖕᖏᑑᕗᑦ ᑐᖕᖓᕕᖃᕐᓱᑎᓪᓗ ᓄᓇᕕᐅᑉ ᖃᓄᐃᑦᑑᓂᖓᓄᑦ ᐊᑑᑎᔭᖏᓐᓄᓗ.

ᓄᓇᓕᒻᒥ ᐊᑐᐊᒐᓕᐊᖑᓯᒪᔪᖅ ᓴᓗᒪᓂᕐᓴᓂᒃ ᐱᓇᓱᐊᕈᑎᖃᕐᓂᖅ ᐱᓪᓗᒍ

ᓀᑦᑐᒐᓗᐊᖅ ᐊᑐᐊᒐᖅ ᓄᐃᑕᐅᒪᓕᕆᕗᖅ ᐃᕐᐸᑎᑕᐅᕙᑦᓱᓂᓗ ᐃᑲᔪᕐᑎᓗᒋᑦ ᓄᓇᓕᐅᑉ ᐱᓇᓱᐊᕐᕕᖏᑦ, ᖃᐅᔨᒪᔭᐅᑎᑦᓯᒍᒪᒧᑦ ᐱᓇᓱᐊᕈᑕᐅᒻᒪᕆᓐᓂᖓᓂᒃ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕈᑎᖃᕐᓂᐅᑉ ᐊᑐᓂ ᓄᓇᓕᓐᓂ ᐊᑐᐊᕐᓗᒍ.

ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᐅᑉ ᑲᑎᒪᓂᒻᒪᕆᖃᕈᑕᐅᓂᖓ ᓄᓇᕕᒻᒥ

ᐱᑐᕝᕕ ᓄᓇᒥᒃ ᑎᒍᒥᐊᕐᑎᑯᑦ ᑕᕐᖁᑎᓪᓗ ᐱᓇᓱᐊᖃᑎᒌᒃᑰᒃ ᑲᑎᒪᖃᑎᒌᒍᑕᐅᓂᖓᓄᑦ ᓯᓪᓕᑎᐅᑉ, ᓯᕗᓪᓕᐹᑦᓯᐊᖅ ᐃᓄᓐᓄᑦ ᐊᐅᓚᑕᐅᑦᓱᓂ ᑲᑎᒪᓂᒻᒪᕆᒃ ᓄᓇᕕᒻᒥ ᐃᓕᖓᔪᖅ ᓄᑕᐅᓯᓕᑎᕈᓐᓇᑐᓂᒃ ᐃᑯᒪᓕᐅᕐᓂᒧᑦ.

ᑖᓐᓇ ᐊᑑᑎᓚᐅᔪᖅ ᐊᐅᒎᓯ 22-ᒥᑦ 24-ᒧᑦ 2023-ᒥ ᐃᓄᒃᔪᐊᒥ.